YOHANES 17:3 - BOWOT BOHUA

³ Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 17:3 ပူးပေါင်းရင်းမြစ်များ

MARKUS 9:37

‘‘Ulun ijo monorima 'cobehti anak koloutuh tului Ahku, rimai norima Ahku. Tutang ulun ijo norima Ahku, io eam norima Ahku beweu, tahpi norima ka'a Io ijo nyuhu Ahku.’’

LUKAS 9:48

Turus Io nuhtui umba murid-murid-Oh, ‘‘Ulun ijo norima anak tuh tului Ahku, rimai norima Ahku. Tutang ulun ijo norima Ahku, Io norima ijo nyuhu Ahku. Tului ulun ijo paling koik ang louk ihkam, iorih ijo paling hajo!’’

YOHANES 10:36

ombai ihkam nuhtui Ahku ngarana Pohotala, tului auh-Ku Anak Pohotala? Molekan Ahku tongopili bain Amai, tutang sonuhu nokuh kolunon.

YOHANES 11:42

Ahku ta'an Ihko toturus ngonih Ahku, tahpi Ahku nuhtui tuh, bagi ulun-ulun ijo anai ang ohtoi; mangat'ndo porocaya ijo Ihko rih ijo nyuhu Ahku.’’

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 17:18

Kolou Amai jari nyuhu Ahku nokuh kolunon, kodorih ka'a Ahku nyuhu iro nokuh kolunon.

YOHANES 17:21

Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 3:17

Tului Pohotala ngirim Anak-Oh eam ahkan momosaraoh kolunon tuh, tahpi ahkan monyolamatoh.

YOHANES 3:34

Tului ulun ijo sonuhu Pohotala monyiar auh-auh Pohotala, kotului Roh Pohotala jari tononga ahkai-Oh sotuwioh.

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

YOHANES 6:57

Amai ijo bolum rih nyuhu Ahku, tutang Ahku ka bolum tahkan Amai. Kolouorih ka'a ulun ijo kuman usi-Ku ahkan bolum tahkan Ahku.

YOHANES 7:29

Ahku ngosono Io, tului Ahku asar tahkan Io, tutang Iorih ijo nyuhu Ahku.’’

YOHANES 8:19

‘‘Amai-Mu rih ang umoh?’’ hion'ndo. Yesus mutah, ‘‘Ihkam eam kosono Ahku, mahika kosono Amai-Ku. Amatjahkai ihkam ngosono Ahku, musti ihkam kosono Amai-Ku ka'a.’’

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

1 KORINTUS 8:4

Tohou soal kuman ukun ijo jari tonyorah ahkan songiangdewa ihto ngota'an ijo songiang, gambar angihco ijo kotu'uioh, eam aro. Tutang ihto ngota'an ka'a ijo Pohotala tihkas ihco, eam aro ihco bohkon.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

1 TESALONIKA 1:9

Paring ulun rih bopander, tohou koloukuwoh ihkam monorima ihkai, kotihka ihkai lomoi lombut ahkan'kam. Iro mander tohou koloukuwoh ihkam nohtah dewa-dewa, tutang lombut ahkan tihkas-ihcooh Pohotala ijo bolum ahkan tehen umba Io.

2 TESALONIKA 1:8

tutang honong baho ijo ngonjelak-jelak. Io mosuluh ahkan mohukum ulun-ulun ijo eam poduli Pohotala, tutang ijo eam kani bolum sorurui umba Kabar Hinut tohou Yesus Tuhan ihto.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

2 PETRUS 1:2

Keleh Pohotala nonga borehkat tutang kosanang ahkan'mu hawui momurai, bain ihkam ngosono Pohotala tutang Yesus, Tuhan ihto.

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

2 PETRUS 1:8

Paringoh rih anairih sipat-sipat ijo ihkam poroluoh. Amat sipat-sipat orih anai a'ang ihkam hawui momurai, ihkam ahkan monjadi giat tutang bohasir, tutang kosono Yesus Kristus Tuhan ihto honong labih pios hino.

1 YOHANES 1:2

Kotihka pombolum rih tongorinahoh, ihkai nohtooh. Orihrih kobaiuoh ihkai nonga kosaksian tohou Io. Ihkai mborihta ahkan ihkam tohou pombolum ijo sojati tutang kototahiu, ijo anai hihco Amai tutang ijo jari ngorinah ahkan ihkai.

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.