YOHANES 17:26 - BOWOT BOHUA

²⁶ Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 17:26 ပူးပေါင်းရင်းမြစ်များ

YOHANES 14:20

Amat lombut ondou orih, ihkam ahkan kota'an ijo Ahku hihco honong Amai, ihkam hihco honong Ahku, tutang Ahku hihco honong ihkam.

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 15:4

Tohtaprih hihco umba Ahku tutang Ahku ka'a ahkan tohtap hihco a'ang ihkam. Da'an bongoi eam tou momua, kocoali amat io tohtap aang batangoh. Kodorih ka'a ihkam tihkas tou momua, amat tohtap hihco a'ang Ahku.

YOHANES 15:9

Kolou Amai ngasihoh Ahku, kodorih ka Ahku ngasihoh ihkam. Hondakrih ihkam tohtap bolum kolou ulun ijo Ahku ngasihoh.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

YOHANES 17:6

Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 6:56

Ulun ijo kuman usi-Ku tutang ngorih daha-Ku, io hihco honong Ahku, tutang Ahku honong io.

YOHANES 8:50

Ahku eam ngurah horomat tahkan arop-Ku bongok. Anai ihco ijo ngurah kohoromatan bagi-Ku, tutang Io ijo mosara.

RUMA 8:10

Tahpi amat Kristus bolum ang luwang behtin'mu, mahka oluka behtin'kam ahkan mahtoi tului dusa, tahpika Roh Pohotala nonga pombolum ahkan'kam, kotului kohihco umba Pohotala jari pios.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 12:12

Kristus anai rih kolou behtin ulun; behti rih ihco, tahpi anai tahkan aro ramui. Paring ramui rih, oluka aro, monjadi ihco behtiu.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 5:30

Ito kota'an rih, tului ihto anai ramun-ramun behtin Kristus.)

EPESUS 5:32

Ayat jorih bosuang rimai ijo timbon. Tutang ahku ngaitoh rih umba tutungoh, holat Kristus tutang ukup.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

IBRANI 2:12

Yesus pander umba Pohotala, ‘‘Ahku ahkan mborihtaoh ahkan konduang-konduang-Ku tohou Ihko. Ahku ahkan monara Ihko ang a'ang puhpung iro.’’

1 YOHANES 3:24

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.