YOHANES 17:22 - BOWOT BOHUA

²² Ahku jari nongarih iro kohajo ijo Amai nongaoh ahkak-Ku, mangat iro monjadi ihco, sama kolou Ihto ka'a ihco;

YOHANES 17:22 ပူးပေါင်းရင်းမြစ်များ

MARKUS 6:7

Io na'ah koduo balas murid-Oh, turus nyuhu iro homboh duo, tutang nonga kowasa ahkan iro duon muhko roh-roh ja'at.

LUKAS 22:30

Umba kolouorih ihkam duon umba jorih-jirah hihco Ahku ang ohkot Ahku monjadi Lahca. Tutang ihkam ahkan tuot ang ngosan duo balas pododusan ahkan moretah koduo balas lihit uhtus Israel.’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:16

Io tuwi umba kasih; earo kotondooh, Io mborehkat ihto.

YOHANES 14:20

Amat lombut ondou orih, ihkam ahkan kota'an ijo Ahku hihco honong Amai, ihkam hihco honong Ahku, tutang Ahku hihco honong ihkam.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

RUMA 8:30

Kodorihrih Pohotala na'ah iro ijo jari tonahtap-Oh labih soun; tutang iro ijo tona'ah-Oh rih, nongajalan-Oh hokopios hoduli umba Pohotala. Tutang iro ijo nongajalan Io hokopios hoduli umba Pohotala ngomin bagian a'ang pombolum ain Pohotala bongoi.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 5:20

Jadi ihkai anairih monjadi pohalu-pohalu Kristus. Nguha ihkai Pohotala bongoi ijo nyapai pohtoh-Oh. Ngasan aran Kristus ihkai nyawot hawui paham, torima njuluk longon Pohotala ijo toudahpon ihkam hokopios umba Io.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

EPESUS 2:20

Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

PILIPI 1:29

Kotului Pohotala jari nonga pononga ahkan'kam, eam tihkas ahkan porocaya umba Kristus, tahpi ka'a ahkan komo kokarot bagi Kristus.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

1 YOHANES 3:24

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.

1 YOHANES 4:17

Kasih monjadi soporuna luwang arop ihto, mangat ihto tepun kohanyi ang Ondou Ponosara. Ihto ahkan tepun kohanyi, tului pombolum ihto ang kolunon tuh, sama kolou pombolum Kristus.

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.