YOHANES 17:21 - BOWOT BOHUA

²¹ Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

YOHANES 17:21 ပူးပေါင်းရင်းမြစ်များ

MARKUS 3:24

‘‘Amat ihco nogara bobolah a'ang hobarih-hobarih, ijo toturus homusuh, nogara orih eam ahkan botahan.

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 10:30

Ahku tutang Amai anairih ihco.’’

YOHANES 10:38

Tahpi tului Ahku nguaioh, porocaya iou ihkam umba inon ijo Ahku nguai orih, oluka ihkam eam kani porocaya umba Ahku. Honong kolourih ihkam kota'an tutang solembang ijo Amai tahtap hihco umba Ahku, tutang Ahku tahtap hihco umba Amai.’’

YOHANES 11:42

Ahku ta'an Ihko toturus ngonih Ahku, tahpi Ahku nuhtui tuh, bagi ulun-ulun ijo anai ang ohtoi; mangat'ndo porocaya ijo Ihko rih ijo nyuhu Ahku.’’

YOHANES 13:32

Amat Pohotala konohajo nguha Io, Io ka'a ahkan konohajo bain Pohotala nguha arop-Oh bongoi. Malah Pohotala ahkan mopohajo Io honong jeleng.

YOHANES 13:35

Amat ihkam saling mongasih, paring ulun ahkan ta'an ijo ihkam murid-murid-Ku.’’

YOHANES 17:11

Uhuntuh Ahku kani lombut nokuh Amai. Ahku eam mohcon hino ang kolunon; tahpi iro anai ang kolunon. Amai ijo borasih! Jaga rih iro umba kowasan aran Amai, io orih aran ijo jari Amai nongaoh ahkak-Ku – mangat iro monjadi ihco, sama kolou Amai tutang Ahku ka'a ihco.

YOHANES 17:18

Kolou Amai jari nyuhu Ahku nokuh kolunon, kodorih ka'a Ahku nyuhu iro nokuh kolunon.

YOHANES 17:20

Eam baya ahkan iro tuh iou Ahku bodo'a. Ahku ka'a bodo'a ahkan ulun-ulun ijo ahkan porocaya umba Ahku, bain kosaksian iro tuh.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 3:17

Tului Pohotala ngirim Anak-Oh eam ahkan momosaraoh kolunon tuh, tahpi ahkan monyolamatoh.

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

KESAH RASUL-RASUL 2:46

Nyinong ondou iro turus hopuhpung ang Lohpou Tuhan; hawui kuman hombo-homboh, tutang jorih hawui randah ahtoi ang lohpou-lohpou'ndo.

KESAH RASUL-RASUL 4:32

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.

RUMA 12:5

Kodorih ka'a umba ihto. Oluka ihto paringoh aro, tahpi ihto kolou ihco kobehti tului ihto hihco a'ang Kristus. Tutang ihto nyino-nyinong hosambung ihco umba ijo bohkon kolou ramun-ramun tahkan ihco behti.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 12:12

Kristus anai rih kolou behtin ulun; behti rih ihco, tahpi anai tahkan aro ramui. Paring ramui rih, oluka aro, monjadi ihco behtiu.

1 KORINTUS 6:17

Tahpi ulun ijo pohihco aropoh umba Tuhan, Roh Tuhan umba roh ulun rih monjadi ihco.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

1 YOHANES 5:7

Anai tolu saksi: