YOHANES 17:20 - BOWOT BOHUA

²⁰ Eam baya ahkan iro tuh iou Ahku bodo'a. Ahku ka'a bodo'a ahkan ulun-ulun ijo ahkan porocaya umba Ahku, bain kosaksian iro tuh.

YOHANES 17:20 ပူးပေါင်းရင်းမြစ်များ

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

YOHANES 17:21

Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

KESAH RASUL-RASUL 2:41

Aro ulun ijo porocaya ahkan ijo tonuhtui bain Petrus turus iro ponopondus. Mahka jumbalah ulun ijo porocaya ang ondou orih botambah hino umba tolu kujan behti.

KESAH RASUL-RASUL 4:4

Tahpi ulun-ulun ijo jari ngonih ajar rasul-rasul rih aro ijo porocaya. Mahka jumbalah iro botambah nyiring johcok monjadi kira-kira limo kujan behti.

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.