YOHANES 17:12 - BOWOT BOHUA

¹² Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

YOHANES 17:12 ပူးပေါင်းရင်းမြစ်များ

YOHANES 13:18

Inon ijo Ahku nuhtuioh tuh, eam rih tohou ihkam paring. Ahku ta'an ia-iai ijo jari Ahku mitihoh. Tahpi inon ijo tonyurat luwang Surat Borasih harus nyolung, iorih ‘Ulun ijo kuman homboh Ahku, ahkan ngolawan Ahku.’

YOHANES 17:6

Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

YOHANES 18:9

Honong nuhtui kolou orih nyolung inon ijo jari tonuhtui Yesus sounumbaoh: ‘‘Amai, tahkan ulun-ulun ijo Amai nongaoh ahkak-Ku, eam ihcobehti ka ijo nihou.’’)

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

PILIPI 2:9

Tului orihrih Pohotala ngahtang Io soisung-isungoh, hawui nonga ahkai-Oh kowasa ijo labih hajo tahkan paring kowasa ijo bohkon.

2 TESALONIKA 2:3

Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

IBRANI 2:13

Yesus pander ka'a, ‘‘Ahku ahkan ngina koharap-Ku ahkan Pohotala.’’ Tutang Io nuhtui ka'a, ‘‘Ituhrih Ahku, homboh anak-anak ijo jari tononga Pohotala ahkak-Ku.’’

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

PONGORINAH 19:12

Mahta-Oh kolou konyelak baho, tutang ang kuhung-Oh Io hapa aro ahkur. Ang behtiu-Oh tosurat ihco aran, tutang tihkas Io bongoi ijo ngota'an aran rih.