YOHANES 16:7 - BOWOT BOHUA

⁷ Tahpi Ahku nuhtui ijo morong ahkan'kam: Labih pios bagi ihkam, amat Ahku hihkas; tului amat Ahku eam hihkas, Pondohop orih eam ahkan lombut bagi ihkam. Tahpi amat Ahku hihkas, Ahku nyuhu Io ahkan ihkam.

YOHANES 16:7 ပူးပေါင်းရင်းမြစ်များ

LUKAS 24:49

Tutang Ahku bongok ahkan ngirim ahkan'kam inon ijo jari tonobowot bain Amai. Tahpi ihkam harus tahtap ngindoi ang lowu tuh, nyiring kowasa tahkan Pohotala monyokuwung ihkam.’’

LUKAS 4:25

Tahpi ngonihrih: Aang jaman Elia, kotihka eam aro nosuluh uhjan tolu sotengah toun kotahiuoh, nyolung lo'u ijo paham ang paring lowu. Aang ohkot orih anai aro balu-balu ang Israel.

LUKAS 9:27

Ngota'an beweu: tahkan louk ihkam ang ohtoi anai ijo eam ahkan mahtoi, amat jaham io nohto Pohotala moretah.’’

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 14:28

Ihkam jari ngonih Ahku nuhtui, ‘Ahku ahkan tulak, tahpi Ahku ahkan lombut hoduli ahkan ihkam.’ Amat ihkam ngasih Ahku, ihkam sanang Ahku tulak nokuh Amai, tului Amai labih hajo tahkan Ahku.

YOHANES 14:3

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 16:8

Amat Io lombut, Io ahkan ngorinah ahkan kolunon riman ijo komorongoh tahkan dusa, tahkan inon ijo morong, tutang tahkan torat Pohotala.

YOHANES 7:39

Yesus ngohawot auh rih tohou Roh Pohotala ijo tonorima bain ulun-ulun ijo porocaya umba Io. Kotului ang ohkot orih Roh Pohotala jaham tononga; tului Yesus jaham konohajo honong popahtoi-Oh.)

KESAH RASUL-RASUL 10:34

Turus Petrus hopander, ‘‘Uhuntuh ahku tu'u-tu'u borondong ijo Pohotala eam mihtihkolou paring ulun.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

RUMA 8:28

Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.