YOHANES 16:4 - BOWOT BOHUA

⁴ Tahpi huntuh Ahku nuhtui rih ahkan'kam, mangat amat orih nyolung noin, ihkam mongingat ijo Ahku jari mborihtaohrih ahkan ihkam.’’ ‘‘Hal tuh eam Ahku mborihtaoh ahkan'kam tahkan pahtukoh, kotului Ahku magun hihcoumba ihkam.

YOHANES 16:4 ပူးပေါင်းရင်းမြစ်များ

MATEUS 10:7

Nyiarkabar ahkan'ndo, ijo Pohotala ahkan jeleng moretah kolou Lahca.

MATEUS 24:25

Jadi ingat rih! Ahku jari nyiar ahkan'kam labih soun, houn umba ang rih nyolung.

MATEUS 9:15

Yesus mutah, “Koloukuwoh tiruk'kam? Tou karon pakin ang pesta kawin poros ahtoi'ndo amat pongaten bahkas magun anai hihcoumba iro? Tatu eam! Tahpi ahkan johcok ohkot ponganten bahkas rih tonomin tahkan iro. Ohkot rih punan iro puasa.

MARKUS 13:23

Jadi, bojaga-jagarih! Paring orih jari Ahku nyorihtaoh ahkan'kam, hounumba hal orih nyolung.’’

MARKUS 2:19

Yesus mutah, ‘‘Aang pesta kawin, inonrih ulun tipen eam kuman? Amat pongaten ijo bahkas magun hihco'ndo, puna iro kuman.

LUKAS 1:2

Iro nyurat hotohorong umba ijo jari tomorihta ahkan ihto bain ulun-ulun ijo nohto bongoi karonaang nyolung orih tahkan pahtukoh, tutang pongohino mborihtaoh kabar orih.

YOHANES 13:19

Hal orih Ahku mborihtaoh ahkan'kam uhuntuh, hounumba nyolung, mangat amat hal orih nyolung noin, ihkam ahkan porocaya ijo Ahku tuh Io, ijo konohawot AHKU ANAI.

YOHANES 14:29

Ahku mborihta rih ahkan'kam huntuh, sounumba paringoh nyolung, mangat amat nyolung noin, ihkam ahkan porocaya.

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

2 TESALONIKA 2:5

Ingatrih ijo ahku jari pu'u mborihta paringoh rih ang ohkot ahku magun hihco ihkam.

2 PETRUS 1:14

Bain ahku ta'an ijo eam tahi hino ahku ahkan nohtah kolunon tuh, kotului Tuhan ihto Yesus Kristus jari nyorihtaoh hawui jelas umba ahku.