YOHANES 16:3 - BOWOT BOHUA

³ Iro nguan orih ahkan ihkam, tului iro jaha ngosono Amai kanika Ahku.

YOHANES 16:3 ပူးပေါင်းရင်းမြစ်များ

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 15:21

Paringoh rih ahkan iro nguaioh toharep ihkam, tului ihkam murid-Ku, bain iro eam ngosono Io ijo nyuhu Ahku.

YOHANES 15:23

Ulun ijo ngohiri Ahku, ngohiri Amai-Ku.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 8:19

‘‘Amai-Mu rih ang umoh?’’ hion'ndo. Yesus mutah, ‘‘Ihkam eam kosono Ahku, mahika kosono Amai-Ku. Amatjahkai ihkam ngosono Ahku, musti ihkam kosono Amai-Ku ka'a.’’

YOHANES 8:55

podahar ihkam eam kosono Io. Tahpi Ahku kosono Io. Jahkaioh Ahku nuhtui ijo Ahku eam ngosono Io, mahka Ahku ihcobehti bobalik, sama umba ihkam. Ahku ngosono Io, tutang bokehtep umba auh-Oh.

KESAH RASUL-RASUL 3:17

Konduang-konduang! Huntuh ahku kota'an ijo inon ijo ihkam tutang okon-okon'kam nguaioh toharep Yesus, orih ihkam nguaioh, tului ihkam eam kota'an inon ijo ihkam rahat nguai.

1 KORINTUS 2:8

Eam ihcobehti ka tahkan pongowasa-pongowasa jaman tuh, ijo ngota'an tohou kopihtar rih. Kotului, jakaoh iro jari mongota'aioh, tontu iro eam ahkan nyopolahki Tuhan ihco tonohoromat rih.

2 TESALONIKA 1:8

tutang honong baho ijo ngonjelak-jelak. Io mosuluh ahkan mohukum ulun-ulun ijo eam poduli Pohotala, tutang ijo eam kani bolum sorurui umba Kabar Hinut tohou Yesus Tuhan ihto.

1 TIMOTEUS 1:13

oluka soun ahku mopitnah tutang ngoporos hawui mohina Io. Tapi Pohotala mongasih ahku, kotului ang ohkot orih ahku jaha porocaya, jadi ahku eam kota'an inon ijo ahku nguai.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

1 YOHANES 4:8

Ulun ijo eam mongasi, io eam ngosono Pohotala; kotului Pohotala anairih pongasih.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.