YOHANES 16:25 - BOWOT BOHUA

²⁵ ‘‘Paringoh tuh Ahku nuhtui ahkan'kam umba tindung. Tahpi ahkan johcok ohkotoh, Ahku eam hapan tindung hino, tahpi nuhtui torus-torang ahkan'kam tohou Amai.

YOHANES 16:25 ပူးပေါင်းရင်းမြစ်များ

MARKUS 4:13

Pongohuli Yesus nuhtui umba iro, ‘‘Amat ihkam eam horahti porobasa rih, koloukuwoh ihkam horahti porobasa-porobasa ijo bohkon?

MARKUS 4:34

Yesus turus mohapan porobasa amat Io majar ulun-ulun rih. Tahpi amat Io bongoi honong murid-murid-Oh, Io monarang paringoh ahkan iro.

MARKUS 8:32

Honong jelas samasino Yesus monyorihtaoh hal orih ahkan murid-murid-Oh. Mahka Petrus nguhut Yesus nokuh saro, hawui ningak Io.

YOHANES 10:24

kotihka ulun-ulun Yahudi lombut ngorumbung ang hokodiling Yesus. Iro nuhtui, ‘‘Johcok miraoh Ihko kani mohonouoh ihkai bimbang? Nuhtuiohrih turus tarang, amat Ihko puna tu'u Lahca Ponyolamat.’’

YOHANES 10:6

Yesus nyorihta porobasa rih, tahpi iro eam solembang inon ijo konohuang-Oh.

YOHANES 16:12

Aro hino ijo kani Ahku nuhtuioh ahkan'kam, tahpi uhuntuh ihkam jaha sanggup norimaoh.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

YOHANES 16:32

Ingat! Ohkotoh ahkan lombut, puna jadi lombut, ihkam ahkan tonopisoh-pinjaoh. Ihkam ahkan buli nokuh lohpou nyinongbehti tutang nohtah Ahku bongok-Ku. Tahpi Ahku eam bongok-Ku tului Amai anai hihco Ahku.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.