YOHANES 16:19 - BOWOT BOHUA

¹⁹ Yesus ta'an iro kani ngisok umba Io. Jadi Io nuhtui, ‘‘Nanai Ahku nuhtui, ‘Puta sinowayah iou, ihkam eam ahkan nohto Ahku, tutang ka'a, puta sino ohkot iu ihkam ahkan nohto Ahku.’ Orih rih ihkam hopander ang louk ihkam?

YOHANES 16:19 ပူးပေါင်းရင်းမြစ်များ

MATEUS 6:8

Ara kolou iro. Amai'kam jari kota'an inon ijo ihkam poruluoh, hounumba ihkam nyawotoh.

MATEUS 9:4

Yesus kota'an tiruk'ndo, nyolung Io nuhtui, “Ombai tiruk'kam koja'at orih?

MARKUS 9:32

Murid-murid-Oh eam solembang inon ijo tonyorihta bain Yesus, tahpi iro mihkoh ngisok umba Io.

YOHANES 13:33

Anak-anak-Ku, Ahku eam ahkan mohcon tahi hino umba ihkam. Ihkam ahkan ngurah Ahku, tahpi kolou ijo jari Ahku nuhtuioh ahkan dolang okon Yahudi, kodorih ka'a Ahku nuhtui ahkan ihkam; nokuh unuk Ahku tulak, ihkam eam dahpot lombut.

YOHANES 14:19

Mohcon honjulu iou kolunon eam ahkan nohto Ahku hino. Tahpi ihkam ahkan nohto Ahku. Tutang tului Ahku bolum, ihkam ka ahkan bolum.

YOHANES 16:16

‘‘Puta sinowayah iou, ihkam eam ahkan nohto Ahku hino, tutang ka'a puta sinowayah hino ihkam ahkan nohto Ahku.’’

YOHANES 16:18

Iro hokisok toturus, ‘‘Inon rimai orih, ‘Puta sinowayah iou’? Ihto eam horahti Io nuhtui tohou inon!’’

YOHANES 16:23

Aang ondou orih, ihkam eam ahkan ngisok ino-inon hino umba Ahku. Porocayalah: Inon iou ijo ihko nyawot umba Amai ngosan arak-Ku, orih ahkan tononga Amai ahkan'mu.

YOHANES 16:26

Aang ohkot orih, ihkam ahkan nyawot umba Amai ngosan arak-Ku; ngota'anrih, Ahku eam nyawot tahkan Amai ahkan ihkam,

YOHANES 16:30

tutang ihkai ta'an ijo Tuhan ta'an paringoh. Eam usah ihcobehti ka ngisok ino-inon umba Tuhan. Kotului orih ihkai porocaya Tuhan lombut tahkan Pohotala.’’

YOHANES 21:17

Bagi ijo kotolu tikatoh Yesus ngisok hino umba io, ‘‘Simon anak Yona, kuwohkah ihko mongasih Ahku?’’ Petrus monjadi porosahtoioh kotului Yesus ngisok umbaoh nyiring kotolu tikat. Mahka Petrus mutah hino, ‘‘Tuhan, Tuhan ta'an kopari-paringoh, Tuhan ta'an ahku mongasih Tuhan!’’ Turus Yesus nuhtui umba io, ‘‘Nyokahtik tobiri-tobiri-Ku.

YOHANES 6:61

Yesus bongoi kota'an ijo murid-murid-Oh bokuhtuk tohou hal orih. Mahka Io nuhtui, ‘‘Inonrih ihkam tosinggung ahtoi tului auh-auh orih?

YOHANES 7:33

Yesus nuhtui umba ulun aro ang luwang Lohpou Tuhan, ‘‘Tihkas honjulu iou Ahku magun hihco umba ihkam. Ulirih Ahku tulak ahkan ijo nyuhu Ahku.

IBRANI 4:13

Eam aro ihco mahluk ka ijo bosuhuk tahkan ponopahjah Pohotala. Kokaron angihco paring hoburang tutang bokuap ang husuk-Oh. Tutang ihto harus nonga tanggung-jawab ahkai-Oh.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.