YOHANES 16:13 - BOWOT BOHUA

¹³ Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

YOHANES 16:13 ပူးပေါင်းရင်းမြစ်များ

YOHANES 12:49

Kotului Ahku eam bopander tahkan konohuang-Ku bongok; Amai ijo nyuhu Ahku, Io iou ijo moretah ahkak-Ku inon ijo harus Ahku nyiaroh tutang nuhtuioh.

YOHANES 14:17

Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 16:12

Aro hino ijo kani Ahku nuhtuioh ahkan'kam, tahpi uhuntuh ihkam jaha sanggup norimaoh.

YOHANES 3:32

Io pander tohou inon ijo ius tonohto tutang konahai-Oh, tahpi eam ihcobehti ka porocaya aang kosaksian-Oh.

YOHANES 8:38

Inon ijo Ahku nohto aang Amai-Ku, orihrih ijo Ahku nuhtuioh. Rahatoh ihkam nguan inon ijo tongajaroh amai'kam ahkan'kam.’’

KESAH RASUL-RASUL 11:28

Ang loukoh anai ihcobehti bogare Agabus. Tului hojojuan Roh Pohotala io nuhjum, ijo ang hopus kolunon ahkan nyolung wayah bolo'u ijo paham. (Tutang hal rih tu'u nyolung ka'a, aang ohkot Kaisar Klaudius moretah.)

KESAH RASUL-RASUL 20:23

Ahku tihkas ngota'an, ijo ang nyino-nyinong lowu, Roh Pohotala jari tarang monyorihta ahkak'ku, ijo ahku ahkan nyolong sipir tutang ahkan ngarot.

KESAH RASUL-RASUL 27:24

Molehkat rih nuhtui, ‘Ara mihkoh Paulus! Tului ihko ahkan noharep Kaisar. Tutang ngosan komorong ahtoi Pohotala ahkan'mu, paring ulun ijo bolayar homboh ihko, uras solamat kotului ihko.’

2 TESALONIKA 2:12

Akibatoh, paring ulun ijo jolik ahkan dusa, tutang eam porocaya umba ijo morong rih, ahkan tonohukum.

2 TESALONIKA 2:3

Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

IBRANI 1:1

Aang jaman lomoi aro tikat Pohotala hopander umba tahtu ajuh ihto nguha nabi-nabi tutang hapa mahca-mahcam cara.

1 YOHANES 2:20

Tahpi ihkam jari monorima Roh Pohotala, ijo tonusuh bain Yesus Kristus, tutang orih kotuluioh ihkam paringoh kosono ajar ijo morong rih.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 5:6

Yesus Kristusrih ijo lombut nokuh kolunon umba danum popondus-Oh, tutang umba dahan popahtoi-Oh. Io lombut eam tihkas umba danum iou, tahpi umba danum tutang daha. Tutang Roh Pohotala bongoi, nonga kosaksian ijo orih morong, tului Roh eam pu'u bobalik.

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 1:19

Tului rih nyurat hal-hal ijo ihko nohto, iorih hal-hal ijo anai huntuh, tutang hal-hal ijo ahkan nyolung noin.