YOHANES 16:11 - BOWOT BOHUA

¹¹ tutang ijo Pohotala jari nopara mohukum, kotului okon kolunon tuh jari tonohukum.

YOHANES 16:11 ပူးပေါင်းရင်းမြစ်များ

MATEUS 12:18

“Tuhrih soruhak-Ku ijo Ahku ngopilioh, ulun ijo Ahku ngasih-Oh, tutang ijo kojorih ang ahtoi-Ku. Roh-Ku, ahkan Ahku nonga ahkai-Oh, komorong-Ku ahkan tonosiar baiu-Oh ahkan uhtus-uhtus ulun.

MATEUS 12:36

Jadi, ingatrih: ang Ondou Kiamat nyinong ulun harus nanggung-jawab, ngosan nyinong auhoh ijo konohawot, ijo eam boguna.

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 16:12

Aro hino ijo kani Ahku nuhtuioh ahkan'kam, tahpi uhuntuh ihkam jaha sanggup norimaoh.

KESAH RASUL-RASUL 10:42

Tutang Io nyuhu ihkai mborihta Kabar Hinut rih ahkan ulun-ulun tutang nonga kosaksian, ijo Io rih jari konahtang bain Pohotala, monjadi hakim ulun-ulun ijo magun bolum, tutang ulun-ulun ijo jari mahtoi.

KESAH RASUL-RASUL 24:25

Tahpi kotihka Paulus noturus panderoh tohou komorong, tutang tahan kojolikbolai, tutang tohou hukum ang Ondou Kiamat, mahka Pelik monjadi paham mihkoh turus nuhtui, ‘‘Ihko tou tulak huntuh. Ahku ahkan na'ah ihko hino amat anai kosapet.’’

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 16:20

Pohotala ijo nonga kosanangkomangat ahkan ulun, ahkan jeleng ngina Sehtan pinda kowasai'mu tutang moluhtekoh. Keleh Konduang-konduang toturus tomorehkat bain Yesus Kristus Tuhan ihto!

RUMA 2:16

Kodorih rih ijo ahkan nyolung noin aang ondou ijo jari tonahtapoh rih. Aang ondou orih – numbun Kabar Hinut ijo ahku mborihtaoh – Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

KOLOSE 2:15

Aang sopolahki rih, Kristus nguan kokaro roh-roh ijo moretah tutang bokowasa monjadi eam bodaya hino. Iro jadi tutunan ulun aro, ang ohkot Kristus mongiring iro kolou tawanan a'ang pawai komanang-Oh.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

IBRANI 6:2

ata'ai ajaran dasar tohou popondus ata'ai tohou ngahtang longo ngosan ulun, ata'ai tohou bolum hoduli limbah mahtoi, ata'ai hukuman ijo kototahiuoh.

IBRANI 9:27

Pohotala jari nuhkas ijo ulun mahtoi sinotikat iou tutang iro uli rih tomosara bain Pohotala.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!