YOHANES 15:7 - BOWOT BOHUA

⁷ Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 15:7 ပူးပေါင်းရင်းမြစ်များ

MATEUS 7:7

“Nyawot, mahka ihkam ahkan norima. Ngurah, mahka ihkam ahkan nyombang. Negah bauntukang, mahka bauntukang konuap bagi ihkam.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 16:23

Aang ondou orih, ihkam eam ahkan ngisok ino-inon hino umba Ahku. Porocayalah: Inon iou ijo ihko nyawot umba Amai ngosan arak-Ku, orih ahkan tononga Amai ahkan'mu.

YOHANES 8:31

Pongohuli Yesus nuhtui umba ulun-ulun Yahudi ijo jari porocaya umba Io, ‘‘Amat ihkam bolum numbun ajaran-Ku ihkam tu'u-tu'u murid-Ku,

YOHANES 8:37

Puna Ahku ta'an ihkam tuh lihit Abraham. Tahpi ihkam kani munu Ahku, tului ihkam eam kani norima ajaran-Ku.

GALATIA 4:2

Io tonohaga kolou ihcobehti jihpon, olu ka kotu'ui io tepuioh tahkan paring ponahtou rih.

GALATIA 5:16

Kohondak koloutuh: Nauhoh Roh Pohotala niting ihkam tutang ara bolum numbun kojolik tobiat kolunon.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

1 YOHANES 2:14

Ahku nyurat ahkan'kam, anak-inyam, tului ihkam ngosono Pohotala, Amai. Ahku nyurat ahkan'kam, Amai-amai, tului ihkam ngosono Auh ijo jari anai tahkan pahtuk nopara. Ahku nyurat ahkan'kam ulun-ulun biou, bain ihkam ba'as. Auh Pohotala anai ang luwang ahtoi'kam, tutang ihkam jari mongalah ijo Ja'at.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

1 YOHANES 3:22

Tutang inon ijo ihto nyawot tahkanumba-Oh, ihto norimaoh, tului ihto te'et umba poretah-poretah-Oh, tutang nguan inon ijo ngojorih ahtoi-Oh.

1 YOHANES 5:14

Tutang ihto bohanyi noharep Pohotala, tului ihto yahkin Io monorima do'a ihto, amat ihto nyawot inon iou, ijo tohorong umba kohandak-Oh.