YOHANES 15:5 - BOWOT BOHUA

⁵ AHKU TUH PU'UN ANGGUR, TUTANG IHKAM RIH DA'AI-DA'AIOH. Ulun ijo tohtap hihco honong Ahku, tutang Ahku honong io, ahkan momua aro; tului earo Ahku, ihkam eam tou monguanoh ino-inon.

YOHANES 15:5 ပူးပေါင်းရင်းမြစ်များ

MATEUS 13:21

Tahpi kabar orih eam muhat timbon ang ahtoi'ndo tului orih eam tahan tahi. Kodorih iro ngarot kosusah ata'ai tonoporos bain Kabar Hinut orih, nyolung iro murtad.

YOHANES 12:24

Tu'u morong auh-Ku tuh: Amat ihcokoluang paroi eam tongombulan ang luwang tana tutang mahtoi, io ahkan tohtap mohcon ihcokoluang. Tahpi amat luang paroi rih mahtoi kolawun io ahkan momua tutang aro paroi.

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 5:19

Yesus mutah ulun-ulun rih koloutuh, ‘‘Porocayarih, Anak eam dahpot nguaioh ino-inon hapan kowasa aiu bongoi. Io tihkas nguanrih inon ijo Io nohto tonguan Amai-Oh. Kobain inon ijo tonguan bain Amai, orih ka'a ijo tonguan bain Anak.

YOHANES 9:33

Amat ulun rih eam tahkan Pohotala, Io eam ahkan dahpot nguan ino-inon.’’

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

RUMA 12:5

Kodorih ka'a umba ihto. Oluka ihto paringoh aro, tahpi ihto kolou ihco kobehti tului ihto hihco a'ang Kristus. Tutang ihto nyino-nyinong hosambung ihco umba ijo bohkon kolou ramun-ramun tahkan ihco behti.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

RUMA 7:4

Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

1 KORINTUS 10:16

Aang ohkot ihto ngorih anggur honong ngohawot torimakasih ahkan Pohotala, eamkah orihrih korinah, ijo ihto hihco umba Kristus a'ang popahtoi-Oh? Tutang a'ang ohkot ihto milat nulat ruhte ahkan ukun hombo-homboh, eamkah orih korinah ijo ihto, anai hihco umba behtin Kristus?

1 KORINTUS 12:12

Kristus anai rih kolou behtin ulun; behti rih ihco, tahpi anai tahkan aro ramui. Paring ramui rih, oluka aro, monjadi ihco behtiu.

1 KORINTUS 12:27

Konduang paringoh sama-sama anairih behtin Kristus tutang ihkam nyinong-behti hino anai rih ramui tahkan behti rih.

2 KORINTUS 13:8

Tului ihkai eam duon nguan angihco ka, ijo hokolawan umba ijo morong; ihkai harus numbun ijo morong.

2 KORINTUS 9:10

Pohotala ijo nyodia bonyi ahkan ulun pongumo, tutang ukun ahkan ihto. Io ka'a ahkan nyodia tutang mopoaro inon jo ihkam noburanoh, mangat bua komorong ahtoi'kam botambah hino.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

PILIPI 4:17

Orih eam rimai ahku baya jolik norima pononga. Ijo ahku jolikoh iorih, mangat ahku duon nohto bua-bua ijo mondahang koutung'kam.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

YAKOBUS 1:17

Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus