YOHANES 15:25 - BOWOT BOHUA

²⁵ Punajari koharusoh kodorih, mangat nyolung inon ijo tonyurat a'ang Buhku Torat iro, yorih: ‘Iro ngohiri Ahku earo pahkingoh.’

YOHANES 15:25 ပူးပေါင်းရင်းမြစ်များ

MATEUS 10:8

Ngopios ulun-ulun ijo poros, ngombolum ulun-ulun ijo mahtoi; ngopios ulun-ulun ijo boponyahkit belang 'jo ngoli, tutang muhko roh-roh ja'at. Ihkam jari norima paringoh tuh honong eam tomoli. Jadi nonga ka'a hawui eam bojual.

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

YOHANES 10:34

Turus Yesus mutah, ‘‘Eamkah ang Buhku Tourat'mu tonyurat: Pohotala nuhtui, ‘Ihkam anairih pohotala’?

YOHANES 13:18

Inon ijo Ahku nuhtuioh tuh, eam rih tohou ihkam paring. Ahku ta'an ia-iai ijo jari Ahku mitihoh. Tahpi inon ijo tonyurat luwang Surat Borasih harus nyolung, iorih ‘Ulun ijo kuman homboh Ahku, ahkan ngolawan Ahku.’

YOHANES 19:36

Hal orih nyolung, mangat monjadi inon ijo tonyurat aang Surat Borasih, yorih, ‘‘Eam ihco ka tahkan tulang-tulang-Oh ahkan tonopolotoh.’’

RUMA 3:19

Huntuh ihto kota'an ijo paring ijo ius tonyurat luwang hukum agama Yahudi, anairih ahkan ulun-ulun ijo anai ang pinda hukum rih. Honong kodorih eam ihcobehti ka duon nonga alasan ino-inon hino, tutang paring kolunon duon tomokara bain Pohotala.

RUMA 3:24

Tihkas tului pononganasi Pohotala ijo tonongaoh honong cuma-cuma, hokohihco ulun umba Pohotala monjadi pios hoduli, caraoh iorih; ulun tonoliwusoh bain Kristus Yesus.

2 KORINTUS 11:7

Ang ohkot ahku mborihta Kabar Hinut tahkan Pohotala ahkan'kam, ahku eam nyawot ihkam ngupah ahku honjiot ka; tutang honong kodorih ahku nguan arop'ku monjadi randah. Ahku nguan rih unuk ngahtang'kam. Inon orih ihco kosalak'ku toharep ihkam?

GALATIA 2:21

Ahku eam nawah pononganasi Pohotala. Amat kohihcon ulun umba Pohotala monjadi pios hoduli, kotului molalus hukum agama rih, rimai popahtoi Kristus eam anai gunaioh!

2 TESALONIKA 3:8

Ihkai eam kuman ukun ulun tutang honong eam molioh. Sobalikoh, hondou ngolomi ihkai bogawi hapa longon 'kai, mangat ihkai eam nyusah iai ka ka'a tahkan louk ihkam.

PONGORINAH 21:6

Turus Io nuhtui, ‘‘Jari genep! Ahku rih ijo pahtukoh, tutang ijo laiu; Ahkurih Tuhan tahkan Kopahtuk nyiring Pongolaiu. Nyinong ulun ijo tohjahbolai, ahkan Ahku nonga korih honong cuma-cuma tahkan tohasak danum, ijo nonga pombolum.

PONGORINAH 22:17

Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.