YOHANES 15:21 - BOWOT BOHUA

²¹ Paringoh rih ahkan iro nguaioh toharep ihkam, tului ihkam murid-Ku, bain iro eam ngosono Io ijo nyuhu Ahku.

YOHANES 15:21 ပူးပေါင်းရင်းမြစ်များ

MATEUS 10:18

Ihkam ahkan tongomin nohkuh toharep pongowasa-pongowasa tutang lahca-lahca tului ihkam murid-Ku. Tutang orihrih kosapet ahkan'kam, nonga kosaksian tohou Ahku ahkan'ndo, tutang ahkan ulun-ulun ijo eam kosono Pohotala.

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 10:39

Ulun ijo podehen pombolumoh, ahkan nihou pombolumoh tahpi ulun ijo nihou pombolumoh, kotului tehen umba Ahku ahkan dahpot pombolumoh.”

MATEUS 24:9

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

MATEUS 5:11

Kosanangsolamat ahkan ihkam amat tonosalan, tonoporos tutang tongonja'at tului Ahku.

MARKUS 13:13

Ihkam ahkan ngohiri bain paring ulun, tului ihkam murid-Ku. Tahpi ulun ijo botahan nyiring ko-opah ahkan tonyolamat.’’

LUKAS 21:12

Tahpi soun paringoh orih nyolung, ihkam ahkan tonawan tutang tonoporos. Ihkam ahkan ponosara ang lohpou-lohpou sombayang tutang ponosolong nokuh luwang sipir. Tutang ihkam ahkan tonyeret nokuh toharep lahca-lahca, tutang pongowasa-pongowasa, kotului ihkam rih murid-Ku.

LUKAS 21:17

Ihkam ahkan tonyingi bain paring ulun, tului ihkam konohawot murid-Ku.

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

YOHANES 15:24

Jahkaioh ang tohun-tohun iro, Ahku eam nguanoh hal-hal ijo jaha pu'u tonguan ulun bohkon, iro eam bodusa. Tahpi huntuh iro jari nohto inon ijo Ahku nguaioh, tutang iro ngohiri Ahku kanika Amai-Ku.

YOHANES 16:3

Iro nguan orih ahkan ihkam, tului iro jaha ngosono Amai kanika Ahku.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 8:19

‘‘Amai-Mu rih ang umoh?’’ hion'ndo. Yesus mutah, ‘‘Ihkam eam kosono Ahku, mahika kosono Amai-Ku. Amatjahkai ihkam ngosono Ahku, musti ihkam kosono Amai-Ku ka'a.’’

YOHANES 8:54

Yesus mutah, ‘‘Jahkaioh Ahku ngurah horomat ahkan arop-Ku bongok, kohoromatan-Ku rih eam aro rimaioh. Ijo mohoromat Ahku anairih Amai-Ku, ijo ihkam ngohu Pohotalan'kam,

YOHANES 8:55

podahar ihkam eam kosono Io. Tahpi Ahku kosono Io. Jahkaioh Ahku nuhtui ijo Ahku eam ngosono Io, mahka Ahku ihcobehti bobalik, sama umba ihkam. Ahku ngosono Io, tutang bokehtep umba auh-Oh.

KESAH RASUL-RASUL 17:23

Tului kotihka ahku nyala-nyalan ang kodiling lowun'kam tutang nolihti unuk-unuk sombayang ihkam. Ahku nohto ka'a ihco unuk ihkam nonga porahpah; ang unuk orih tonyurat, ‘Ahkan Pohotala Ijo Eam Kosonan 'kai.’ Orih, Pohotala ijo ihkam nyembah tapi eam ngosono-Oh, Iorih ijo ahku mborihtaoh ahkan'kam.

KESAH RASUL-RASUL 26:9

Sounoh ahku bongok ka niruk ijo ahku harus nguan koparing-paringoh mangat molawan Yesus tahkan Nasaret rih.

KESAH RASUL-RASUL 3:17

Konduang-konduang! Huntuh ahku kota'an ijo inon ijo ihkam tutang okon-okon'kam nguaioh toharep Yesus, orih ihkam nguaioh, tului ihkam eam kota'an inon ijo ihkam rahat nguai.

KESAH RASUL-RASUL 4:17

Tahpi mangat hal rih ara tosiar saup samai hino ang louk ulun-ulun, olai ihto ngahtap iro duo, ijo iro samasino eam tou hino bopander umba ihcobehti ka honong hapan aran Yesus.’’

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

KESAH RASUL-RASUL 9:14

Tutang huntuh io jari lombut 'kan ohtoi, duon ijin tahkan imam-imam kopala, ahkan nawan paring ulun ijo porocaya umba Tuhan.’’

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

RUMA 1:28

Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

1 KORINTUS 2:8

Eam ihcobehti ka tahkan pongowasa-pongowasa jaman tuh, ijo ngota'an tohou kopihtar rih. Kotului, jakaoh iro jari mongota'aioh, tontu iro eam ahkan nyopolahki Tuhan ihco tonohoromat rih.

2 TESALONIKA 1:8

tutang honong baho ijo ngonjelak-jelak. Io mosuluh ahkan mohukum ulun-ulun ijo eam poduli Pohotala, tutang ijo eam kani bolum sorurui umba Kabar Hinut tohou Yesus Tuhan ihto.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

3 YOHANES 1:7

tului a'ang ponyalan ahkan mohalu Kristus, iro eam norima pondohop inon ka, tahkan ulun-ulun ijo eam kosono Pohotala.

PONGORINAH 2:3

Ihkam sabar, tutang ihkam ngarot tului Ahku, tutang ihkam eam puhtus asa.