YOHANES 15:2 - BOWOT BOHUA

² Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

YOHANES 15:2 ပူးပေါင်းရင်းမြစ်များ

MATEUS 13:12

Tului ulun ijo ius anaingina, ahkan tononga labih aro hino, tutang io ahkan bokolabihoh. Tahpi ulun ijo eam anaingina ino-inon, mahka honjiot, ijo anai ang io malah ahkan tonomin.

MATEUS 13:33

Anai ihco porobasa bohkon ijo ngesah Yesus ahkan ulun aro. “Amatmira Pohotala moretah, koada'aioh kolou ragi ijo omin bain ihcobehti ulunbawi, turus pohicooh umba ohpat pulu tahkar golahpung gandum nyiring kamir paringoh!”

MATEUS 15:13

Yesus mutah, “Nyinong kombulan ijo eam konombulan bain Amai-Ku ang soruga ahkan tonyohpit.

MATEUS 21:19

Io nohto ihcokobahtang pu'un sikun ang saran jalan. Io tulak nokuh pu'un rih, tahpi eam aro nyombangoh ihcokoluang-buaoh ka'a, kocoali karon-daui iou. Turus Yesus nuhtui umba pu'un sikun rih, “Ihko eam ahkan mua hino!” Hunrih pu'un sikun rih molanyu.

MATEUS 25:29

Tului ulun ijo jari anaingina, ahkai tononga labih aro hino tutang io ahkan molobien tu'u. Tahpi ulun ijo eam anaingina, isut ijo magun anai aang io ahkan tongomin ka'a.

MATEUS 3:10

Otak jari sodia ahkan nowong bahtang kahju nyiring uhat-uhatoh. Nyinong bahtang ijo eam mua ijo pios, ahkan tonowong tutang tonyahkah nokuh luwang baho.

MATEUS 3:12

Ang longoi-Oh anai tahap hapai ngiap paring paroi-Oh nyiring borasih. Usin paroi ahkan tonipun baiu-Oh nokuh koraking, tahpi paring ahpihoh ahkan sonaha-Oh, aang baho ijo eam tou bolop.”

MATEUS 7:19

Nyinong bahtang ijo eam mua bua ijo pios, tonowong tutang tonyaha.

MARKUS 4:20

Tutang bonyi ijo toponyi ang tana ijo bosiwuh rih, nindung ulun-ulun ijo ngonih kabar orih tutang norimaoh, iro mua aro, anai ijo tolun pulu, anai ijo onom pulu, anai ijo solahtus tikat lihpet karon-buaoh.’’

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

YOHANES 15:1

Hion Yesus hino, ‘‘AHKU TUH PU'UN ANGGUR IJO MORONGTU'U, TUTANG AMAI-KU ANAI TUHKANG KOBUNOH.

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 15:3

Ihkam jari borasih tului ajaran ijo Ahku nongaoh ahkan'kam.

YOHANES 15:6

Ulun ijo eam tohtap hihco honong Ahku ahkan ndian kolou da'an, turus jadi koring. Da'an-da'an ijo kolouorih ahkan tonipun tutang tonyakah nokuh baho turus bopahpong.

YOHANES 15:8

Amat ihkam mua aro, Amai-Ku konohajo; tutang honong kodorih ihkam tu'u-tu'u monjadi murid-Ku.

YOHANES 17:12

Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 11:22

Jadi ang ohtoi ihto nohto eaminon kopiosoh Pohotala, tutang eaminon mahangoh ka'a Io. Io botindak mahang toharep iro ijo bodusa, tahpi Io hinut ahtoi tohimo Konduang – asar Konduang tehtep bolum tahkan kohinut-Oh. Amat eam, mahka Konduang ka'a ahkan konondian.

RUMA 8:28

Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

1 KORINTUS 13:1

Oluka ahku dahpot bopander umba bomahcam basan kolunon, nyiring umba basa karon-molehkat samasino ka, tahpi ahku earo mongasih ulun bohkon, mahka pander-pander'ku orih baya auh ijo muhing earo rimai.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 12:15

Bojagarih, ara nyiring anai ihcobehti ka ijo soluka tahkan barih kopios ahtoi Pohotala, mangat ara anai ijo monjadi kolou kombulan bosowui ang tohun-tohun ihkam nyiring polombut kosusah tutang korusak aro ulun bain sowuioh.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.