YOHANES 15:19 - BOWOT BOHUA

¹⁹ Jahkaioh ihkam puna ain kolunon, ihkam ahkan tonokasih bain kolunon rih kolou puna aiuoh. Tahpi Ahku jari ngopili ihkam tahkan kolunon tuh, jadi ihkam eam hino punaain kolunon. Orihrih kotuluioh kolunon ngohiri ihkam.

YOHANES 15:19 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 24:9

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

LUKAS 6:32

Amat ihkam ngasih ulun-ulun ijo ngasih ihkam beweu, inon gunaioh? Ulun bodusa ka'a ngasih ulun ijo ngasih iro!

YOHANES 13:18

Inon ijo Ahku nuhtuioh tuh, eam rih tohou ihkam paring. Ahku ta'an ia-iai ijo jari Ahku mitihoh. Tahpi inon ijo tonyurat luwang Surat Borasih harus nyolung, iorih ‘Ulun ijo kuman homboh Ahku, ahkan ngolawan Ahku.’

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 6:70

Yesus mutah, ‘‘Eamkah Ahku ijo ngopili ihkam duo balas behti tuh? Mahka ihcobehti ang louk ihkam anairih sehtan!’’

YAKOBUS 4:4

Ihkam anairih ulun ijo eam tehtep! Kota'anrih ihkam, ijo amat ihkam hopahkat umba kolunon, mahka ihkam monjadi musuh Pohotala? Jadi dolangiai kani monjadi sobat kolunon tuh, io ngonjodian aropoh musuh Pohotala.

1 PETRUS 4:3

Aang wayah ijo nokalou, ihkam jari sukup tahi nguan inon ijo jolik tonguan bain ulun-ulun ijo eam kosono Tuhan. Ihkam bolum eam hinut. Ihkam numbun kojolik bolaiusi, bobusou-busou, koramin-pesta, ngorih-ngorih tutang nyembah dewa socara pongojilokoh.

1 YOHANES 3:12

Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

PONGORINAH 12:17

Naga rih monjadi bosingi samasino umba ulunbawi rih, nyiring io tulak nyarang lihit ijo bohkon tahkan ulunbawi rih, yorih paring ulun ijo mone'et poretah-poretah Pohotala, tutang ijo nonga kosaksian tohou Yesus tutang Kowasa-Oh.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.