YOHANES 15:16 - BOWOT BOHUA

¹⁶ Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 15:16 ပူးပေါင်းရင်းမြစ်များ

MATEUS 21:22

Inon beweu ijo ihkam nyawot ang do'a'mu, ihkam ahkan norimaoh, asar ihkam porocaya.”

MATEUS 7:7

“Nyawot, mahka ihkam ahkan norima. Ngurah, mahka ihkam ahkan nyombang. Negah bauntukang, mahka bauntukang konuap bagi ihkam.

LUKAS 6:13

Amat ondou jari boloang, Io na'ah murid-murid-Oh, turus ngopili duo balas behti tahkan iro. Io napa aran koduo balas behti rih, karon-rasul. Iro anairih:

YOHANES 13:18

Inon ijo Ahku nuhtuioh tuh, eam rih tohou ihkam paring. Ahku ta'an ia-iai ijo jari Ahku mitihoh. Tahpi inon ijo tonyurat luwang Surat Borasih harus nyolung, iorih ‘Ulun ijo kuman homboh Ahku, ahkan ngolawan Ahku.’

YOHANES 15:19

Jahkaioh ihkam puna ain kolunon, ihkam ahkan tonokasih bain kolunon rih kolou puna aiuoh. Tahpi Ahku jari ngopili ihkam tahkan kolunon tuh, jadi ihkam eam hino punaain kolunon. Orihrih kotuluioh kolunon ngohiri ihkam.

YOHANES 15:5

AHKU TUH PU'UN ANGGUR, TUTANG IHKAM RIH DA'AI-DA'AIOH. Ulun ijo tohtap hihco honong Ahku, tutang Ahku honong io, ahkan momua aro; tului earo Ahku, ihkam eam tou monguanoh ino-inon.

YOHANES 6:70

Yesus mutah, ‘‘Eamkah Ahku ijo ngopili ihkam duo balas behti tuh? Mahka ihcobehti ang louk ihkam anairih sehtan!’’

KESAH RASUL-RASUL 1:24

Turus iro bodo'a. Iro nuhtui, ‘‘Tuhan Ihko kota'an ahtoi paring ulun. Yudas jari bokisat tahkan ponuotoh, kolou rasul tutang jari mahtoi. Jadi ngorinah ahkan ihkai iai tahkan duo behti tuh ijo Tuhan mitih ahkan tononga gawi orih ngatioh Yudas.’’

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 10:41

eam ahkan paring ulun, molekan tihkas ahkan ihkai ijo jari tongopili bain Pohotala, labih soun, ahkan monjadi saksi-saksi-Oh: ihkai kuman hawui ngorih umba Io, uliius Io monyun tahkan popahtoi.

KESAH RASUL-RASUL 22:14

Pongohuli io nuhtui ahkak'ku, ‘Pohotalan tahtu ajuh ihto, mitih ihko, mangat ihko kota'an konohuang-Oh, tutang nohto Yesus; Jihpon Pohotala orih ijo nguan konohuang Pohotala hawui ngonih auh tuhtui Yesus bongoi.

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:13

Konduang-konduang! Ahku jolik mangat ihkam kota'an ijo jari aro tikat ahku nohuang masap ihkam, tahpi toturus anai iou holanganoh. Ahku jolik mangat aang louk'kam ka, aangkonuak'ku anai buaoh. Koloukuwoh aangkonuak'ku jari mua ang louk ulun-ulun, ijo bohkon Yahudi, ang unuk-unuk ijo bohkon.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 15:4

Paring ijo tonyurat ang luwang Surat Borasih anairih, mangat majar ihto. Tului ajaran ijo ihto torimaoh rih tahkan Surat Borasih ngonjorian ihto sabar tutang ba'as nyiring ihto tou bokoharap umba Pohotala.

RUMA 9:21

Eamkah ulun tuhkang potoran rih bohak napa tana liat rih, napaoh numbun konohuang ahtoioh? Tahkan ihcokobuhtup tana liat rih, ulun rih bohak potoran napa duo mahcam, napa ihco paling pios, tutang napa ijo bohkon ijo kurang pios.

1 KORINTUS 10:11

Paring hal rih nyolung ahkan iro mangat monjadi sutu bagi ulun-ulun bohkon. Tutang paring orih, tonyurat ka'a mangat monjadi pongingat ahkan ihto huntuh. Kotului ihto huntuh bolum aang ohkot lain jaman.

GALATIA 1:15

Tahpi kotului kopios ahtoi Pohotala, Io ngopili ahku hounmba ahku konanak, tutang na'ah ahku ahkan mohalu Io.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

2 TIMOTEUS 1:11

Ahkan mborihta Kabar Hinut orihrih Pohotala nyuhu ahku monjadi rasul tutang guru.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

TITUS 1:5

Ahku nohtah ihko ang Kreta mangat ihko dahpot hogoguan hal-hal ijo magun porulu ngobuah: Ka'a mangat ihko mitih ponotua-ponotua ang ukup, ang nyinong lowu. Tutang ingat iou potunjuk-potunjuk tahkan ahku tuh:

IBRANI 11:4

Kotului porocaya Abel monyorah ahkan Pohotala porahpah ijo paling hinut tahkanumba porahpah Kain. Tului porocayaoh rih, Abel tonorima bain Pohotala, kolou ulun ijo hinut, kotului korinah rih ijo Pohotala norima ponongaoh. Abel ius palus, tahpi tului porocaya rih mahka io magun bopander nyiring huntuh.

YAKOBUS 3:18

Puna kopiosoh anairih bua tahkan bonyi kobuah ijo tonuhkan bain ulun ijo nyita kobuah!

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.

1 PETRUS 3:2

kotului iro nohto hadat dasar'mu ijo hinut tutang saleh.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

1 YOHANES 4:19

Ihto mongasih, tului Pohotala jari labih houn mongasih ihto.