YOHANES 14:6 - BOWOT BOHUA

⁶ Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 14:6 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:17

Hukum Tuhan ihto torima nguha Museh. Tahpi kasih tutang kotehen Pohotala tongorinah nguha Yesus Kristus.

YOHANES 1:4

Auhrih tohasak pombolum, tutang pombolum nonga koloang ahkan kolunon.

YOHANES 10:28

Ahku nonga iro pombolum ijo sojahti tutang kototahiu, tutang turus-jahamoh iro eam ahkan rusak. Eamanai ihcobehti ka dahpot ngorabut iro tahkan longok-Ku.

YOHANES 10:7

Mahka Yesus nuhtui sino hino, ‘‘Tu'u-tu'u morong auh-Ku tuh: AHKU TUH BAUNTUKANG BAGI TOBIRI.

YOHANES 10:9

AHKU TUH BAUNTUKANG. Iai ijo nyolong nguha Ahku ahkan solamat; io soluka, nyolong tutang ngondahpot ukuioh.

YOHANES 14:19

Mohcon honjulu iou kolunon eam ahkan nohto Ahku hino. Tahpi ihkam ahkan nohto Ahku. Tutang tului Ahku bolum, ihkam ka ahkan bolum.

YOHANES 15:1

Hion Yesus hino, ‘‘AHKU TUH PU'UN ANGGUR IJO MORONGTU'U, TUTANG AMAI-KU ANAI TUHKANG KOBUNOH.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 6:33

Tului luhte ijo tononga Pohotala anai rih, Io ijo mosuluh tahkan soruga tutang nonga pombolum ahkan ulun ang kolunon.’’

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

YOHANES 6:57

Amai ijo bolum rih nyuhu Ahku, tutang Ahku ka bolum tahkan Amai. Kolouorih ka'a ulun ijo kuman usi-Ku ahkan bolum tahkan Ahku.

YOHANES 6:68

‘‘Tuhan,’’ hion Simon Petrus umba Io, ‘‘nokuh umoh ihkai ahkan tulak? Tuhtui Tuhan nonga pombolum ijo sojahti tutang kototahiu.

YOHANES 8:32

mahka ihkam ahkan ngosono Pohotala ijo morong, tutang bain kotului orih ihkam ahkan tomorodehka.’’

YOHANES 8:51

Kotu'ui morong auh-Ku tuh, ulun ijo numbun auh-Ku kototahiu io eam ahkan mahtoi.’’

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

KESAH RASUL-RASUL 9:2

tutang nyawot surat kowasa ahkan tulak nokuh okon-okon lohpou sombayang ulun Yahudi ang Damaskus, mangat amat io sombang ang anan ulun-ulun ijo porocaya umba Yesus, io tou nawan iro, turus ngomin iro nokuh Yerusalem.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 5:2

Bain tului ihto porocaya ahkan Yesus, mahka Io nguapjalanahkan ihto mongenang asin Pohotala tutang honong kasih orihrih ihto bolum huntuh. Tului orih ihto jorih-jorih ahtoi, tului ihto anaitepun koharap, ijo ihto ahkan nginyam kosanang ijo tononga Pohotala.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

KOLOSE 2:17

Paringoh rih tihkas kokolingon iou, tahkan hal-hal ijo ahkan lombut, tahpi korinah tahkan hal-hal rih, iorih Kristus.

KOLOSE 2:9

Kotului paring porobadi Pohotala mohcon ang Kristus, yorih aang kolunoi-Oh.

KOLOSE 3:4

Nah, tohasak pombolum'kam ijo sojahti orihrih Kristus, tutang amat Io korinah noin, ihkam ka'a ahkan lombut hombo-homboh umba Io a'ang kohajoi-Oh!

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

IBRANI 9:8

Umba poroturan orihrih, Roh Pohotala ngorinah hawui jelas, ijo kotahin kemah hila baun rih magun tombok, jalan nyolong koluwang Ruang Palingborasih rih jaha tokuap.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 1:8

Amat ihto nuhtui ijo ihto eam bodusa, ihto nihpu arop ihto bongon; tutang Pohotala eam mohcon ang luwang ahtoi ihto.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

1 YOHANES 5:6

Yesus Kristusrih ijo lombut nokuh kolunon umba danum popondus-Oh, tutang umba dahan popahtoi-Oh. Io lombut eam tihkas umba danum iou, tahpi umba danum tutang daha. Tutang Roh Pohotala bongoi, nonga kosaksian ijo orih morong, tului Roh eam pu'u bobalik.

2 YOHANES 1:9

Ulun ijo eam nambit aang ajaran Kristus, molekan nyapang tahkan inon ijo tonongajaroh bain Kristus, ulun orih eam anaingina Pohotala. Ulun ijo tahtap ang luwang ajaran Kristus, rimai, anaingina, kohinut Pohotala, Amai, oluka Anak.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 19:11

Pongohuli ahku nohto soruga bokuap, turus gihtan ihcokungan kuda puhti. Ponunggang-Oh konohawot Ijo Bokehtep tutang Ijo Morong. Io adil a'ang mutusoh hukum, tutang a'ang kolahi ijo tonolalus-Oh.

PONGORINAH 20:15

Ulun-ulun ijo eam tosurat araioh ang luwang Surat Ulun Bolum, io ndian nokuh luwang tasik baho rih.

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:17

Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.

PONGORINAH 3:14

‘‘Ahkan molehkat ukup ang Laodekia, nyurat koloutuh: Tuhrih pohtoh tahkan Sang Amen, Saksi ijo bokehtep tutang morong tohasak kokaro aang'co, ijo tona'oi bain Pohotala.

PONGORINAH 3:7

‘‘Ahkan molehkat ukup ang Piladelpia, nyurat koloutuh: Tuhrih tahkan Io ijo borasih tutang sojahti. Iorih ponambit kuhci ijo tongina Dawid; amat Io nguap, eam aro ihcobehti ka dahpot ngahtopoh, tutang amat Io ngahtopoh, eam ihcobehti ka dahpot nguapoh.