YOHANES 14:27 - BOWOT BOHUA

²⁷ Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 14:27 ပူးပေါင်းရင်းမြစ်များ

MATEUS 10:26

“Ararih mihkoh umba kolunon. Eam aro ijo bosuhuk, ijo eam ahkan gihtan, tutang eam anai ijo tongulimoh ijo eam ahkan bokuap.

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

LUKAS 10:5

Amat ihkam nyolong ihco lohpou, ngohawot ohrih labih holu, ‘Keleh kosanangrih luwang lohpou tuh.’

LUKAS 12:4

‘‘Ingatrih, karon-jolahak-Ku! Ara mihkoh umba iro ijo munu behti, tahpi eam duon nguan labih tahkanumba orih.

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

YOHANES 14:1

‘‘Ara ahtoi'kam bimbang,’’ hion Yesus umba iro. ‘‘Porocayarih umba Pohotala, tutang porocayarih umba Ahku ka'a.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

YOHANES 20:19

Aang ondou Minggu orih ka'a, kotihka jari pindong, murid-murid Yesus hopuhpung ang ihco lohpou, hawui bauntukang ijo tongulin, tului iro mihkoh umba dolang okon Yahudi. Songela Yesus lombut tutang tombok ang tohun iro tutang nuhtui, ‘‘Tabe kosanangkomangat ahkan'kam.’’

YOHANES 20:21

Turus Yesus nuhtui umba iro sino hino, ‘‘Tabe kosanangkomangat bagi'kam. Kolou Amai nyuhu Ahku, kodorih ka'a Ahku nyuhu ihkam.’’

YOHANES 20:26

Ihcominggu pongohuli murid-murid Yesus anai hino ang unuk orih, tutang Tomas tohko ka'a. Paring bauntukang tongulim. Tahpi Yesus lombut tutang tombok ang tohun-tohun iro hawui nuhtui, ‘‘Tabe kosanangkomangat ahkan'kam.’’

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 18:9

Ang sino ngolomi, ang ponopahjahoh, Tuhan nuhtui umba Paulus, ‘‘Ararih mihkoh! Bopander toturus tutang ara tonih.

RUMA 1:7

Orih kotuluioh ahku nyurat ahkan'kam. Keleh Pohotala Amai ihto, tutang Tuhan Yesus Kristus nonga borehkat tutang kosanang ahkan'kam.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 8:6

Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 6:16

Bagi ulun-ulun ijo bolum umba tiruk rih, tutang kodorih ka'a bagi paring ukup ain Pohotala, ahku harap Pohotala ahkan nonga kosanang tutang ponongaasi-Oh.

PILIPI 4:7

Mahka kosanang tahkan Pohotala ijo eam haraptou dahpot tohorahti kolunon, ahkan monjaga ahtoi tutang tiruk'kam ijo jari hihco umba Kristus Yesus.

KOLOSE 1:20

Tutang nguha Anak rih hino Pohotala momutusoh ahkan nguan kokaro ang'co hokopios hoduli umba Io, pios kokaro ang'co ijo ang tana, kanika ijo ang soruga. Pohotala nguan orih nguha popahtoi Anak-Oh ang kahju sopolahki.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

2 TESALONIKA 1:2

moharap, keleh Pohotala, Amai, tutang Tuhan Yesus Kristus, nonga borehkat tutang kosanang ahkan ihkam.

2 TESALONIKA 3:16

Tuhan anairih luwangtohasak kosanang ihto. Keleh Io turus nonga ahkan'kam kojorih ang kokaron hal. Keleh Tuhan hihco Konduang paring-Oh.

2 TIMOTEUS 1:7

Kotului Roh ijo Pohotala nonga ahkan ihto, eam rih Roh ijo mawi ihto monjadi pomihkoh. Tobalikoh Roh Pohotala orih nguan ihto monjadi ba'as, tuwi umba kasih tutang dahpot nahan arop.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 7:2

Mahka Abraham nonga ahkan Melkisedek, sepersopulu tahkan karo inon ijo ngorabutoh. (Aran Melkisedek rimai ijo-pahtuk, ‘‘Lahca Koadilan’’; tutang tului io lahca tahkan Salem, mahka araioh rimai ka'a ‘‘Lahca Komangat’’.)

PONGORINAH 1:4

Konduang-konduang, ijo anai ang kopihtu ukup ang daerah Asia! Ahku, Yohanes, bokoharap ihkam tonongaoh borehkat tutang kosanang tahkan Pohotala – yorih, Io ijo anai, tutang jari anai, tutang ijo anai toturusoh – tutang ka'a tahkan kopihtu roh ijo anai ang boun pododusan Pohotala,

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’