YOHANES 14:26 - BOWOT BOHUA

²⁶ Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 14:26 ပူးပေါင်းရင်းမြစ်များ

MATEUS 1:18

Koloutuh sorihta, tohou nganak Yesus Kristus. Inai-Oh iorih Maria kisok-ain Yusep. Tahpi hounumba iro kawin, korinah Maria ius botohi. Yusep eam kota'an ijo Maria botohi, tului kobasan Roh Pohotala.

MATEUS 1:20

Pondehan Yusep ngihtu-ngihtung aang orih, io nuhpi. Ang nuhpiuoh rih, io nohto ihcobehti molehkat Tuhan ijo homauh umba io, “Yusep uhtus Dawid a'ai mihkoh kawin umba Maria; tului anak ijo aang kotohiu orihrih nyolung bain kowasan Roh Pohotala.

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

MARKUS 12:36

Podahar Dawid bongoi – kotului tongorinah bain Roh Pohotala – nuhtui, ‘Tuhan homauh umba Tuhan'ku: tuot ihko ang silan kotouk-Ku nyiring Ahku nguan musuh-musuh-Mu ngominda umba Ihko.’

MARKUS 13:11

Tutang amat ihkam tonawan tutang konomin ahkan ponosara, ara mihkoh tohou inon ijo harus ihkam nuhtuioh. Amat jari johcok ohkotoh ahkan pander, nuhtui iourih inon ijo jari tonyorihtaoh ahkan'kam aang ohkotoh. Tului pander-pander ijo ihkam ngohawotoh rih eam auh tuhtui emu bongom, molekan lombut tahkan Roh Pohotala.

LUKAS 1:15

Io ahkan monjadi ulun hajo numbun topahjah Tuhan, tutang io eam ahkan ngorih anggur ata'ai korih ijo mombusou. Tahkan io konanak, io ahkan konowasa bain Roh Pohotala.

LUKAS 1:35

Molehkat rih mutah auh, ‘‘Roh Pohotala ahkan lombut ahkan'mu, tutang kowasan Pohotala ahkan monyokuwung ihko. Orihrih kotuluioh anak ijo ahkan konanak'mu rih, ahkan konohawot Borasih, Anak Pohotala.

LUKAS 1:41

Tutang kolourih Elisabet ngonih tabe Maria, anak ijo ang luwang butui Elisabet rih jorih. Mahka Elisabet konowasa bain Roh Pohotala,

LUKAS 1:67

Sakharia, amai anak orih, duon tokowasa bain Roh Pohotala, nyiring io nyiaroh pohtoh tahkan Tuhan. Io nuhtui,

LUKAS 11:13

Oluka ihkam ja'at, ihkam ta'an ka'a nonga ijo pios ahkan anak'kam. Mahihino Amai'kam ijo ang soruga! Io ahkan nonga Roh-Oh ahkan iro ijo nyawot umba Io!’’

LUKAS 2:25

Aang ohkot rih ang Yerusalem anai ihcobehti bogare Simeon io ulun hinut ijo mihkoh umba Pohotala tutang rahat ngindoi wayahoh Pohotala nyolamat Israel. Roh Pohotala hihco io,

LUKAS 24:49

Tutang Ahku bongok ahkan ngirim ahkan'kam inon ijo jari tonobowot bain Amai. Tahpi ihkam harus tahtap ngindoi ang lowu tuh, nyiring kowasa tahkan Pohotala monyokuwung ihkam.’’

LUKAS 3:22

tutang Roh Pohotala mosuluh nokuh ngosan-Oh kolou bulung dala. Turus konahan auh Pohotala nuhtui, ‘‘Ihkorih Anak-Ku ijo Ahku ngasihoh. Ihko ijo ngojorih ahtoi-Ku.’’

YOHANES 1:33

Ohkot rih ahku jaha ta'an iai Io. Tahpi Pohotala ijo nyuhu ahku mopondus umba danum, jari nuhtui umba ahku, ‘Amat ihko nohto Roh Pohotala mosuluh, turus mohcon ang ngosan ihcobehti Iorih ahkan mopondus umba Roh Pohotala.’

YOHANES 12:16

Ang ohkot rih murid-murid Yesus jaha solembang paringoh rih. Tahpi uli Yesus konohajo umba popahtoi-Oh, kolawun'ndo toroingat ijo ijo konuan ulun aro tohimo Io jari tonyurat luwang Surat Borasih tohou Io.

YOHANES 14:16

Ahku ahkan nyawot ahkan Amai, tutang Io ahkan nonga ahkan'kam Pondohop bohkon, ijo ahkan mohcon dahang ihkam nyiring turus-jahamoh.

YOHANES 14:25

Paring orih Ahku nuhtui ahkan'kam, kotahin Ahku magun hihco ihkam.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 16:7

Tahpi Ahku nuhtui ijo morong ahkan'kam: Labih pios bagi ihkam, amat Ahku hihkas; tului amat Ahku eam hihkas, Pondohop orih eam ahkan lombut bagi ihkam. Tahpi amat Ahku hihkas, Ahku nyuhu Io ahkan ihkam.

YOHANES 2:22

Jadi pongohuli, ulimba Yesus tonomonyun tahkan popahtoi, toingat murid-murid-Oh ijo hal rih pu'u tonuhtui-Oh. Mahka porocayarih iro ahkan inon hal ijo tonyurat luwang Surat Borasih tutang ahkan inon ijo tonuhtuioh bain Yesus.

YOHANES 20:22

Turus Io ngomusik hasong-Oh ahkan iro turus nuhtui, ‘‘Torimarih Roh Pohotala.

YOHANES 6:45

Ang luwang Buhku Nabi-nabi tonyurat koloutuh: ‘Paring ulun ahkan tongajar bain Pohotala.’ Jadi paring ulun ijo ngonih Amai tutang bolajar tahkan Io, lombut nokuh Ahku.

YOHANES 7:39

Yesus ngohawot auh rih tohou Roh Pohotala ijo tonorima bain ulun-ulun ijo porocaya umba Io. Kotului ang ohkot orih Roh Pohotala jaham tononga; tului Yesus jaham konohajo honong popahtoi-Oh.)

KESAH RASUL-RASUL 1:2

johcok ang ondou Io konahtang nokuh soruga. Sounumba Io nuhkat nokuh soruga umba kowasan Roh Pohotala Io nonga potunjuk-potunjuk ahkan rasul-rasul ijo konopili.

KESAH RASUL-RASUL 1:4

Tutang aang ohkot Io hihco umba iro, Io nonga poretah tuh ahkan iro, ‘‘Ara tulak tahkan Yerusalem. Ngindoi ang anan nyiring Amai nonga inon ijo jari tonobowot-Oh, iorih ijo jari Ahku nyorihta ahkan'kam houn.

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 11:16

Turus ahku ingat Tuhan nuhtui, ‘Yohanes mopondus umba danum, tahpi ihkam ahkan ponopondus umba Roh Pohotala.’

KESAH RASUL-RASUL 13:2

Kotihka iro rahat sombayang ahkan Tuhan tutang puasa, Roh Pohotala nuhtui umba iro, ‘‘Ngopili Barnabas doro Saulus, mbarih ahkak-Ku, mangat iro nguan gawi ijo jari Ahku nuhkasoh ahkan iro.’’

KESAH RASUL-RASUL 13:4

Tului tonyoruhan bain Roh Pohotala, Barnabas tutang Saulus botulak nokuh Seleukia. Tahkan anan iro bolayar nokuh pulou Siprus.

KESAH RASUL-RASUL 15:28

Roh Pohotala jari sotuju – tutang ihkai ka'a sotuju – ahkan ihkam ara tononga kopahtut-kopahtut ijo labih bahat tahkan kopahtut-kopahtut ijo puna porulu tuh ih:

KESAH RASUL-RASUL 15:8

Tutang Pohotala ijo ngosono ahtoi ulun jari ponokarahoh ijo Io norima iro; Pohotala pokarah hal-hal orih hawui nonga ahkan iro Roh Pohotala, sama kolou ijo jari tononga-Oh ahkan ihto ka'a.

KESAH RASUL-RASUL 16:6

Roh Pohotala, eam mongijin Paulus doro Silas mborihta auh Pohotala ang Propinsi Asia. Jadi ponyalan iro turus nokuh tana Pirigia tutang Galatia.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 20:35

A'ang paring porokara ahku jari nonga sutu ahkan'kam ijo umba gawi karas koloutuh, ihto harus ndohop ulun-ulun ijo eam ba'as. Tului ihto harus ingat, ahkan inon ijo Tuhan Yesus bongoi jari nuhtui, ‘Labih sanangmangat nonga, tahkanumba norima.’ ’’

KESAH RASUL-RASUL 28:25

Honong tiruk ijo hokolawan, iro nohtah unuk rih, uliius Paulus nuhtui ijo pongo tuh, umba iro, ‘‘Puna kona samasino, inon ijo tonuhtui bain Roh Pohotala nguha Nabi Yesaya ahkan tahtu ajuh ihkam!

KESAH RASUL-RASUL 5:3

Mahka Petrus nuhtui umba io, ‘‘Ananias, ombai ihko mohanouoh sehtan ngowasaoh ahtoi'mu nyiring ihko ngobalik ahkan Roh Pohotala, honong tonih-tonih monahan ahkan arop'mu bongom ihcokobagi tahkan duit ponjualan tana rih?

KESAH RASUL-RASUL 7:51

Eam inon komahang kuhung ihkam Konduang-konduang tutang kodorih kopura-pura ihkam te'et umba Pohotala! Tolingan'kam borengen samasino toharep auh Pohotala! Ihkam sama umba tahtu ajuh'kam toturus molawan Roh Pohotala!

KESAH RASUL-RASUL 7:55

Tahpi Stepanus ijo jari konowasa bain Roh Pohotala nopahjah nokuh langit. Io nohto kohajon Pohotala tutang Yesus tombok ang unuk kowasa ang hila kotoun Pohotala.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

1 KORINTUS 12:3

Ihkam harus kota'an, ijo ulun, ijo toniting Roh Pohotala eam tou nuhtui, ‘‘Tonulutrih Yesus!’’ Kodorih ka'a eam ihcobehti ka duon nuhtui, ‘‘Yesus rih Tuhan!’’ Amat ulun rih eam toniting Roh Pohotala.

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

2 KORINTUS 6:6

Honong nguan kotulus, kopihtar, sabar tutang hinut ahtoi, ihkai ngorinah, ijo ihkai, anairih jihpon Pohotala. Ka'a hawui bohambin aang pondohop Roh Pohotala, tutang hawui kasih ijo ihlas,

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

1 TESALONIKA 4:8

Ulun ijo nulak ajaran tuh, eamoh nulak ulun molekan nulak Pohotala, ijo nonga Roh-Oh ijo borasih ahkan'kam.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

TITUS 3:5

Io monyolamat ihto, eam kotului ihto jari nguan aang'co ijo pios, molekan kotului Io bongoi mongasihan ihto. Io nyolamat ihto nguha Roh Pohotala, ijo nonga ihto konanak bohua, tutang bolum bohua, umba jalan muhi kosalan ihto.

IBRANI 10:15

Tohou hal rih Roh Pohotala nongaoh ka'a kosaksian-Oh ahkan ihto. Roh Pohotala nuhtui,

IBRANI 2:4

Ang bambai orih, Pohotala umba ngondehen kosaksian ulun-ulun rih, hawui nahtap karo mahcam tandahelan tutang hal-hal luar biasa honong mbagi-bagioh pononga-pononga tahkan Roh Pohotala numbun konohuang-Oh bongoi.

IBRANI 3:7

Bain rih, kolou hion Roh Pohotala, ‘‘Amat aang ondou tuh ihkam ngonih auh Pohotala,

IBRANI 9:8

Umba poroturan orihrih, Roh Pohotala ngorinah hawui jelas, ijo kotahin kemah hila baun rih magun tombok, jalan nyolong koluwang Ruang Palingborasih rih jaha tokuap.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

2 PETRUS 1:21

Tului eam pu'u, pohtoh tahkan Pohotala tomborihta tihkas numbun konohuang ulun. Tahpi Roh Pohotala mongowasa ulun rih, ahkan monyiar pohtoh tahkan Pohotala bongoi.

1 YOHANES 2:20

Tahpi ihkam jari monorima Roh Pohotala, ijo tonusuh bain Yesus Kristus, tutang orih kotuluioh ihkam paringoh kosono ajar ijo morong rih.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

1 YOHANES 5:7

Anai tolu saksi:

YUDAS 1:20

Tahpi ihkam, Konduang-konduang'ku, mbinaoh toturus pombolum ihkam hogalang porocaya'mu umba Yesus Kristus. Koporocaya'mu rih paham borasih. Pondehan rih bodo'a umba kowasa Roh Pohotala,

PONGORINAH 2:11

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, samasino eam ahkan ngarot ino-inon bain popahtoi ijo ambal duo.’’