YOHANES 14:23 - BOWOT BOHUA

²³ Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 14:23 ပူးပေါင်းရင်းမြစ်များ

YOHANES 10:30

Ahku tutang Amai anairih ihco.’’

YOHANES 14:15

‘‘Amat ihkam ngasihoh Ahku, ihkam ahkan molalusoh poretah-poretah-Ku.

YOHANES 14:17

Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

YOHANES 14:21

Ulun ijo norima poretah-poretah-Ku, tutang nguaioh iorih ijo ngasihoh Ahku. Amai-Ku ahkan ngasih ulun ijo ngasihoh Ahku. Ahku ka ahkan ngasihoh ulun orih tutang ngorinahoh arop-Ku ahkaioh.’’

YOHANES 14:24

Ulun ijo eam ngasih Ahku, tutang eam numbun ajaran-Ku. Ajaran ijo konahan'kam orih, bohkon tahkan Ahku, molekan tahkan Amai ijo nyuhu Ahku.

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 16:27

kotului Amai bongoi ngasih ihkam. Amai ngasih ihkam tului ihkam ngasih Ahku, tutang porocaya ijo Ahku lombut tahkan Pohotala.

YOHANES 6:56

Ulun ijo kuman usi-Ku tutang ngorih daha-Ku, io hihco honong Ahku, tutang Ahku honong io.

YOHANES 8:51

Kotu'ui morong auh-Ku tuh, ulun ijo numbun auh-Ku kototahiu io eam ahkan mahtoi.’’

YOHANES 8:52

Turus ulun-ulun Yahudi rih, nuhtui umba Yesus, ‘‘Huntuh ihkai ta'an Ihko tu'u-tu'u sonorupang sehtan! Abraham bongoi jari mahtoi, kodorih ka'a paring nabi-nabi. Tahpi Ihko nuhtui, ‘Ulun ijo numbun auh-Ku, kototahiuoh eam ahkan mahtoi.’

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

1 YOHANES 2:24

Bain orih, borihta ijo jari ihkam ngonihoh, toparan ihkam pahtu-pahtukoh porocaya, harus ihkam mohagaoh pio-pios ang luwang ahtoi'kam. Amat borihta tuh ihkam mohaga pio-pios, ihkam ahkan toturus bolum hihco umba Anak tutang umba Amai.

1 YOHANES 2:5

Tahpi ulun ijo te'et umba auh Pohotala, ulun orih sita Pohotala honong soporuna. Orih rih tandaoh ijo ihto bolum hihco umba Pohotala.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 5:3

Tului mongasih Pohotala rimai te'et ahkan poretah-poretah-Oh. Tutang poretah-poretah-Oh eamrih bahat ahkan ihto,

2 YOHANES 1:6

Mongasih, rimai bolum numbun poretah-poretah Pohotala. Tutang poretah ijo ihkam jari ngonih tahkan pahtukoh, iorih, ijo ihkam harus bolum honong hokasih ihco sama bohkon.

PONGORINAH 21:22

Ahku eam nohto Lohpou Pohotala anai luwang lowu rih, tului Lohpou Pohotalaioh iorih Tuhan bongoi, Pohotala Ijo Mahakowasa, tutang Anak Tobiri rih.

PONGORINAH 21:3

Turus ahku ngonih auh tahkan pododusan rih na'ah honong muhing, ‘‘Uhuntuh unuk mohcon Pohotala anairih sama-sama umba ulun! Io ahkan bolum umba iro, tutang iro ahkan monjadi ukup Aiu. Pohotala bongoi ahkan anai umba iro ahkan monjadi Pohotalan iro.

PONGORINAH 22:3

Ang luwang lowu rih eam todahpot aang'co ka ijo buah tulut Pohotala. Pododusan Pohotala tutang Anak Tobiri rih, ahkan anai ang luwang lowu rih. Jihpoi-jihpoi-Oh ahkan sombayang ahkai-Oh,