YOHANES 14:21 - BOWOT BOHUA

²¹ Ulun ijo norima poretah-poretah-Ku, tutang nguaioh iorih ijo ngasihoh Ahku. Amai-Ku ahkan ngasih ulun ijo ngasihoh Ahku. Ahku ka ahkan ngasihoh ulun orih tutang ngorinahoh arop-Ku ahkaioh.’’

YOHANES 14:21 ပူးပေါင်းရင်းမြစ်များ

LUKAS 11:28

Tahpi Yesus mutah, ‘‘Labih sanang hino ulun ijo ngonih auh Pohotala tutang norimaoh!’’

YOHANES 14:15

‘‘Amat ihkam ngasihoh Ahku, ihkam ahkan molalusoh poretah-poretah-Ku.

YOHANES 14:18

Ihkam eam Ahku ahkan nohtahoh bongon, kolou anak nulo. Ahku ahkan hoduli nokuh'kam.

YOHANES 15:14

Ihkam tuh uras sobat-sobat-Ku, tului ihkam nguanoh inon ijo Ahku moretahoh ahkan'kam.

YOHANES 16:14

Io ahkan mopohajo Ahku, tului inon ijo tonyiar-Oh ahkan'kam, tonorima-Oh tahkan Ahku.

YOHANES 16:27

kotului Amai bongoi ngasih ihkam. Amai ngasih ihkam tului ihkam ngasih Ahku, tutang porocaya ijo Ahku lombut tahkan Pohotala.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

KESAH RASUL-RASUL 22:18

Ahku nohto Tuhan; Io pander umba ahku, ‘Jele-jeleng nohtah Yerusalem, tului aro-ulun ang ohtoi eam kani norima kosaksian'kam tohou Ahku.’

2 KORINTUS 12:8

Tolu tikat ahku bodo'a ahkan Tuhan, mangat ponyahkit rih tongahtang tahkan ahku.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

2 TIMOTEUS 4:22

Keleh Tuhan mambai ihko. Keleh Tuhan mborehkat Konduang-konduang! Horomat ihkai, Paulus

1 YOHANES 2:5

Tahpi ulun ijo te'et umba auh Pohotala, ulun orih sita Pohotala honong soporuna. Orih rih tandaoh ijo ihto bolum hihco umba Pohotala.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

1 YOHANES 5:3

Tului mongasih Pohotala rimai te'et ahkan poretah-poretah-Oh. Tutang poretah-poretah-Oh eamrih bahat ahkan ihto,

2 YOHANES 1:6

Mongasih, rimai bolum numbun poretah-poretah Pohotala. Tutang poretah ijo ihkam jari ngonih tahkan pahtukoh, iorih, ijo ihkam harus bolum honong hokasih ihco sama bohkon.

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’

PONGORINAH 22:14

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.

PONGORINAH 3:20

Nohto! Ahku tombok ang baun bauntukang tutang negah. Amat anai ulun ijo ngonih auh-Ku, tutang nguap bauntukang, Ahku ahkan nyolong nyombang io; Ahku ahkan kuman hombo-homboh io, tutang io kuman sama-sama Ahku.