YOHANES 14:19 - BOWOT BOHUA

¹⁹ Mohcon honjulu iou kolunon eam ahkan nohto Ahku hino. Tahpi ihkam ahkan nohto Ahku. Tutang tului Ahku bolum, ihkam ka ahkan bolum.

YOHANES 14:19 ပူးပေါင်းရင်းမြစ်များ

YOHANES 11:25

‘‘AHKU TUH IJO NONGA POMBOLUM TUTANG NGOMONYUN ULUN MAHTOI,’’ hion Yesus umba Marta. ‘‘ULUN IJO POROCAYA UMBA AHKU AHKAN BOLUM, OLU KA IO JARI MAHTOI.

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 13:33

Anak-anak-Ku, Ahku eam ahkan mohcon tahi hino umba ihkam. Ihkam ahkan ngurah Ahku, tahpi kolou ijo jari Ahku nuhtuioh ahkan dolang okon Yahudi, kodorih ka'a Ahku nuhtui ahkan ihkam; nokuh unuk Ahku tulak, ihkam eam dahpot lombut.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 16:16

‘‘Puta sinowayah iou, ihkam eam ahkan nohto Ahku hino, tutang ka'a puta sinowayah hino ihkam ahkan nohto Ahku.’’

YOHANES 16:22

Kodorih ka'a umba ihkam: Huntuh ihkam susah ahtoi, tahpi Ahku ahkan hosombang hino umba ihkam, mahka ahtoi'kam ahkan paham kojorihoh; tutang eam ihcobehti ka duon ngomin kojorih rih tahkan ahtoi'kam.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 7:33

Yesus nuhtui umba ulun aro ang luwang Lohpou Tuhan, ‘‘Tihkas honjulu iou Ahku magun hihco umba ihkam. Ulirih Ahku tulak ahkan ijo nyuhu Ahku.

YOHANES 8:21

Yesus nuhtui hino umba iro, ‘‘Ahku ahkan tulak, tutang ihkam ahkan ngurah Ahku, tahpi ihkam noin mahtoi ang luwang dusa'kam. Nokuh unuk Ahku tulak, ihkam eam dahpot lombut.’’

KESAH RASUL-RASUL 10:41

eam ahkan paring ulun, molekan tihkas ahkan ihkai ijo jari tongopili bain Pohotala, labih soun, ahkan monjadi saksi-saksi-Oh: ihkai kuman hawui ngorih umba Io, uliius Io monyun tahkan popahtoi.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

1 KORINTUS 15:20

Tahpi korinahoh Kristus ius tonombolum hoduli tahkan popahtoi. Jituh monjamin ijo ulun-ulun ijo jari mahtoi ahkan tonombolum hoduli.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.