YOHANES 14:17 - BOWOT BOHUA

¹⁷ Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

YOHANES 14:17 ပူးပေါင်းရင်းမြစ်များ

MATEUS 10:20

Tului inon ijo ahkan ponander'kam ang ohkot rih, bohkon ihkam, molekan Roh Amai ijo ang soruga, nguha ihkam.

YOHANES 14:16

Ahku ahkan nyawot ahkan Amai, tutang Io ahkan nonga ahkan'kam Pondohop bohkon, ijo ahkan mohcon dahang ihkam nyiring turus-jahamoh.

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 16:13

Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

1 KORINTUS 14:15

Jadi ahku harus nguan inon? Ituh ijo ahkan ahku nguai: Ahku ahkan bodo'a honong roh'ku, tahpi ahku ahkan bodo'a ka'a umba tiruk'ku. Ahku ahkan monyanyi umba roh'ku, tahpi ahku kani monyanyi ka'a umba tiruk'ku.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

2 KORINTUS 13:5

Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! – bohkon haloh amat puna ihkam eam tu'u-tu'u porocaya.

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

EPESUS 2:22

Tului bolum hihco umba Kristus, ihkam ka'a rahat topangun, homboh ulun-ulun bohkon monjadi ihco kobawak lohpou ahkan Pohotala; ang anan Pohotala mohcon umba Roh Aiu.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

1 YOHANES 3:24

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 5:7

Anai tolu saksi:

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’