YOHANES 14:11 - BOWOT BOHUA

¹¹ Porocayarih honong Ahku ijo Ahku hihco honong Amai, tutang Amai hihco umba Ahku. Ata'ai soea-eamoh, porocayarih tului inon ijo jari Ahku nguaioh.

YOHANES 14:11 ပူးပေါင်းရင်းမြစ်များ

YOHANES 10:25

Yesus mutah, ‘‘Ius Ahku nuhtui ahkan ihkam, tahpi ihkam eam porocaya. Gawi-gawi ijo Ahku nguai ngosan aran Amai-Ku, nonga bukti tohou Ahku.

YOHANES 10:32

Tahpi Yesus nuhtui umba iro, ‘‘Ihkam ius nohto Ahku nguan aro gawi hinut, ijo sonyuhu Amai ahkak-Ku. Tahkan paring gawi orih, umoh ijo kobainoh ihkam kani medak Ahku?’’

YOHANES 10:38

Tahpi tului Ahku nguaioh, porocaya iou ihkam umba inon ijo Ahku nguai orih, oluka ihkam eam kani porocaya umba Ahku. Honong kolourih ihkam kota'an tutang solembang ijo Amai tahtap hihco umba Ahku, tutang Ahku tahtap hihco umba Amai.’’

YOHANES 14:10

Pilipus! Eamkah ihko porocaya, ijo Ahku hihco umba Amai tutang Amai hihco umba Ahku? Inon ijo Ahku nuhtuioh ahkan'mu, eam Ahku nuhtui tahkan arop-Ku bongok. Amai ijo tohtap hihco honong Ahku, Iorih ijo nguanoh paringoh orih.

YOHANES 14:20

Amat lombut ondou orih, ihkam ahkan kota'an ijo Ahku hihco honong Amai, ihkam hihco honong Ahku, tutang Ahku hihco honong ihkam.

YOHANES 5:36

Tahpi kosaksian-Ku labih hajo umba kosaksian Yohanes. Inon ijo huntuh Ahku nguaioh tuh, ijo orih gawi ijo tononga Amai ahkak-Ku, mbuktioh ijo Amai jari nyuhu Ahku.

KESAH RASUL-RASUL 2:22

Konduang-konduang, ulun-ulun Israel! Ngonihrih inon ijo ahku nuhtuioh tuh: Yesus ulun Nasaret rih jari nonga tugas bain Pohotala ahkan konduang. Orih korinah sasino aang kahtahelan-kahtahelan tutang hal-hal luar-biasa ijo Pohotala nguaioh ang louk ihkam hopatou Yesus Kristus. Paring ohrih konduang bongon jari kota'an.

IBRANI 2:4

Ang bambai orih, Pohotala umba ngondehen kosaksian ulun-ulun rih, hawui nahtap karo mahcam tandahelan tutang hal-hal luar biasa honong mbagi-bagioh pononga-pononga tahkan Roh Pohotala numbun konohuang-Oh bongoi.