YOHANES 13:8 - BOWOT BOHUA

⁸ ‘‘Ara, Tuhan,’’ hion Petrus umba Yesus, ‘‘ara sosino Tuhan muhi pa'ak'ku!’’ Tahpi Yesus mutah, ‘‘Amat Ahku eam muhi ihko, ihko eam aro kohihco umba Ahku.’’

YOHANES 13:8 ပူးပေါင်းရင်းမြစ်များ

MATEUS 16:22

Turus Petrus nguhut longon Yesus kosaro tutang ningak Io, hioi, “Mudah-mudahan Pohotala ngomahcu hal orih, Tuhan! Ara nyiring hal orih nyolung ang Tuhan!”

MATEUS 21:29

‘Ahku eam kani,’ hion anak rih. Tahpi pongohino, io hubah tirukoh tutang tulak nokuh pombulan anggur rih.

MATEUS 26:33

Petrus nuhtui umba Yesus, “Nauhoh paring ijo bohkonoh nohtah Amai, ahku samasino eam!”

MATEUS 26:35

Petrus mutah, “Sinoka jaka ahku harus mahtoi homboh Amai, ahku eam ahkan nuhtui ijo ahku eam kosono Amai!” Tutang paring murid ijo bohkon, nuhtui kolourih ka'a.

YOHANES 13:6

Johcokrih Io ang gilir Simon Petrus, ijo nuhtui, ‘‘Tuhan, kuwohrih Tuhan ijo muhi pa'ak'ku?’’

YOHANES 13:9

Simon Petrus nuhtui, ‘‘Amat kodorih, Tuhan, ara baya pa'ak'ku tahpi longok tutang kuhung'ku ka'a!’’

YOHANES 3:5

Yesus mutah, ‘‘Tu'u morong hiok-Ku tuh: amat ulun eam tonganakoh tahkan danum tutang tahkan Roh Pohotala, ulun orih eam duon monjadi anak uhkup Pohotala.

KESAH RASUL-RASUL 22:16

Huntuh, ara hino ngindoi dalou tahi. Kuatrih, tombok tutang tongarih arop'mu ponopondus. Na'ahrih umba Tuhan mangat ihko liwus tahkan dusa-dusa'mu.’ ’’

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:23

Puna topahjahoh, hal rih kopihtar, hawui anjuranoh, mangat ulun nyembah molehkat, ngominda rih arop, tutang nyiksa arop; tahpi paringoh rih eam boguna ahkan ngomburi kojolikbolai kolunon.

TITUS 3:5

Io monyolamat ihto, eam kotului ihto jari nguan aang'co ijo pios, molekan kotului Io bongoi mongasihan ihto. Io nyolamat ihto nguha Roh Pohotala, ijo nonga ihto konanak bohua, tutang bolum bohua, umba jalan muhi kosalan ihto.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.