YOHANES 13:34 - BOWOT BOHUA

³⁴ Poretah bohua Ahku nongaoh ahkan'kam: Hokasih ihco umba 'jobohkon sama kolou Ahku ngasih ihkam, kodorih ka'a ihkam harus saling hokasih.

YOHANES 13:34 ပူးပေါင်းရင်းမြစ်များ

MATEUS 5:44

Tahpi uhuntuh Ahku nuhtui ahkan'kam: kasih musuh-musuh'mu tutang bodo'a bagi ulun-ulun ijo ngarana ihkam,

YOHANES 15:17

Tuhrih poretah-Ku ahkan'kam: Hokasihrih sama arop'kam.’’

YOHANES 17:21

Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

RUMA 12:10

Konohuangoh Konduang-konduang saling mongasih ihco umba 'jobohkon honong mesra kolou ulun-ulun ijo hokonduang a'ang ihco kojolahan. Tutang konohuangoh ihkam saling hotosolu nonga horomat.

RUMA 13:10

Ulun ijo mongasi ulun bohkon, eam ahkan nguan ang ja'at umba ulun rih. Jadi, ulun ijo mongasi sama aropoh, iorih ulun ijo jari molalus paring syarat hukum agama.

RUMA 13:8

Ara tohutang inon ka, umba iai ka'a, kocoali tohutang kasih umba sama arop'kam. Tului ulun ijo mongasi sama aropoh jari molalus hukum Museh.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

GALATIA 6:2

Hondakoh ihkam saling hokodohop ngohtun puat ulun bohkon ka'a mangat umba kolourih ihkam moneet poretah Kristus.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

1 TESALONIKA 3:12

Keleh Tuhan nguan ihkam mahimahi mongasih ihco sama ijobohkon, tutang mahi ka'a ngasi paring ulun, nyiring kasih'kam rih botambah-tambah toturus, sama kolou kasih ihkai umba ihkam.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

YAKOBUS 2:8

Ihkam nguan ijo morong, amat ihkam molalus hukum Kolahca'an ijo tonyombang luwang ayat Surat Borasih tuh, ‘‘Ngasirih sama arop'mu kolou ihko ngasih arop'mu bongom.’’

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:11

Tahkan pahtuk jari tonyiar borihta tuh ahkan'kam: Ihto harus masi ihco umba ijobohkon.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:21

Kotului rih, tuhrih poretah ijo tononga Kristus ahkan ihto: Ia-iai ngasih Pohotala harus ngasih konduangoh ka'a.

2 YOHANES 1:5

Tului orih, Ine, ahku nyawot honong paham mangat ihto paring saling hokasih. Ijo ahku manderoh tuh eam rih ihco poretah, ijo bohua; poretah tuh jari tononga ahkan ihto, toparan ihto pahtu-pahtukoh porocaya.