YOHANES 13:10 - BOWOT BOHUA

¹⁰ ‘‘Ulun ijo jari mondus, jari borasih sohopusoh,’’ hion Yesus umba Petrus. ‘‘Io eam usah tonorasih hino, kocoali pa'aioh. Ihkam tuh jari borasih, tahpi eam paringoh.’’ (

YOHANES 13:10 ပူးပေါင်းရင်းမြစ်များ

MATEUS 6:12

Ngapunrih ihkai tahkan kosalan'kai, kolou ihkai jari ngapunoh ulun ijo bosala umba ihkai.

YOHANES 13:18

Inon ijo Ahku nuhtuioh tuh, eam rih tohou ihkam paring. Ahku ta'an ia-iai ijo jari Ahku mitihoh. Tahpi inon ijo tonyurat luwang Surat Borasih harus nyolung, iorih ‘Ulun ijo kuman homboh Ahku, ahkan ngolawan Ahku.’

YOHANES 13:9

Simon Petrus nuhtui, ‘‘Amat kodorih, Tuhan, ara baya pa'ak'ku tahpi longok tutang kuhung'ku ka'a!’’

YOHANES 15:3

Ihkam jari borasih tului ajaran ijo Ahku nongaoh ahkan'kam.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

IBRANI 9:10

Bain upacara-upacara rih, tihkas konahomboh umba ukun, korih, tutang mahca-mahcam upacara muhi. Paringoh tihkas poroturan-poroturan ijogihtan, ijo hapan baya johcok ohkotoh Pohotala nguan pombohua.

YAKOBUS 3:2

Ihto paringoh bojoin nguan kosalan. Tahpi ulun ijo eam pu'u nguan kosalan umba tuhtui-tuhtuioh, io ulun ijo soporuna, ijo duon mongowasa hopus aropoh.