YOHANES 12:49 - BOWOT BOHUA

⁴⁹ Kotului Ahku eam bopander tahkan konohuang-Ku bongok; Amai ijo nyuhu Ahku, Io iou ijo moretah ahkak-Ku inon ijo harus Ahku nyiaroh tutang nuhtuioh.

YOHANES 12:49 ပူးပေါင်းရင်းမြစ်များ

YOHANES 14:10

Pilipus! Eamkah ihko porocaya, ijo Ahku hihco umba Amai tutang Amai hihco umba Ahku? Inon ijo Ahku nuhtuioh ahkan'mu, eam Ahku nuhtui tahkan arop-Ku bongok. Amai ijo tohtap hihco honong Ahku, Iorih ijo nguanoh paringoh orih.

YOHANES 14:24

Ulun ijo eam ngasih Ahku, tutang eam numbun ajaran-Ku. Ajaran ijo konahan'kam orih, bohkon tahkan Ahku, molekan tahkan Amai ijo nyuhu Ahku.

YOHANES 14:31

Tahpi oluka paring rih harus nyolung, mangat kolunon borondong ijo Ahku sita Amai tutang nguanoh kokaron ijo ponoretah Amai ahkak-Ku. Nah, olai ihto tulak tahkan ohtoi.’’

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 3:11

Porocayarih: ihkai nuhtui tihkas tohou inon ijo ihkai kota'an, tutang ihkai nonga kosaksian tihkas tohou inon ijo jari ihkai nohtooh; tahpi ihkam eam kani monorima kosaksian ihkai.

YOHANES 3:32

Io pander tohou inon ijo ius tonohto tutang konahai-Oh, tahpi eam ihcobehti ka porocaya aang kosaksian-Oh.

YOHANES 5:19

Yesus mutah ulun-ulun rih koloutuh, ‘‘Porocayarih, Anak eam dahpot nguaioh ino-inon hapan kowasa aiu bongoi. Io tihkas nguanrih inon ijo Io nohto tonguan Amai-Oh. Kobain inon ijo tonguan bain Amai, orih ka'a ijo tonguan bain Anak.

YOHANES 5:30

‘‘Ahku eam dahpot nguan ino-inon ngosan konohuang-Ku bongok. Ahku tihkas mosara numbun ijo ponoretah Pohotala. Tutang puhtusan-Ku rih adil, tului Ahku eam numbun konohuang-Ku bongok, molekan konohuang Amai ijo nyuhu Ahku.

YOHANES 6:68

‘‘Tuhan,’’ hion Simon Petrus umba Io, ‘‘nokuh umoh ihkai ahkan tulak? Tuhtui Tuhan nonga pombolum ijo sojahti tutang kototahiu.

YOHANES 7:16

Yesus mutah, ‘‘Ijo Ahku majaroh tuh bohkon ajaran aik-Ku, tahpi ajaran Io ijo nyuhu Ahku.

YOHANES 8:26

Magun aro hal tohou ihkam ijo kani Ahku nuhtuioh tutang mosaraoh. Tahpi Io ijo nguhtus Ahku dahpot tomorocaya. Tutang Ahku momborihta ahkan kolunon, inon ijo Ahku ngonih tahkan Io.’’

YOHANES 8:28

Kotului orih Yesus nuhtui umba iro, ‘‘Noin amat ihkam jari mopoisung Anak Ulun, ihkam ahkan ta'an ijo, ‘Ahku rih Io ijo tonohawot AHKU ANAI,’ tutang ihkam ahkan ta'an ijo eam anai ihco ka ijo Ahku nguai tahkan arop-Ku bongok. Ahku tihkas nuhtui inon ijo tomajar Amai ahkak-Ku.

YOHANES 8:42

Turus Yesus nuhtui ahkan iro, ‘‘Jahkaioh Pohotala rih Amai'kam, ihkam ahkan mongasih Ahku, tului Ahku lombut tahkan Pohotala. Ahku eam lombut hapan konohuang-Ku bongok, tahpi Io jari nyuhu Ahku.

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.