YOHANES 12:32 - BOWOT BOHUA

³² Tahpi Ahku tuh, amat Ahku jari tonongahtang ang ngosan tana, Ahku ahkan nguhut paring ulun Ahkak-Ku.’’

YOHANES 12:32 ပူးပေါင်းရင်းမြစ်များ

YOHANES 1:7

Io lombut momborihtaoh tohou koloang rih, mangat paring ulun porocaya.

YOHANES 12:34

Ulun aro rih nuhtui umba Io, ‘‘Numbun Buhku Hukum ihkai, Lahca Ponyolamat ahkan bolum turus-jahamoh. Koloukuwoh Ihko tou nuhtui ijo Anak Ulun harus tongondiang ang ngosan tana? Iai Anak Ulun orih?’’

YOHANES 18:32

Tuh monjadi, mangat nyolung inon ijo tonuhtui Yesus tohou caraoh Io ahkan mahtoi.)

YOHANES 19:17

Yesus soluka hawui ngohtun bongoioh kahju sopolahki-Oh nokuh unuk ijo konohawot, ‘‘Bangon Kuhung.’’ (Aang bahasa Ibrani konohawot Golgota.)

YOHANES 3:14

Sama kolou Museh ngahtangoh lohi tombaga ang tuhtuk doroh kahju ang padang balambah, kodorih ka'a Anak Ulun ahkan konahtangoh,

YOHANES 6:44

Eam ihcobehti ka dahpot lombut nokuh Ahku, amat Amai ijo jari nyuhu Ahku, eam ngomin io ahkak-Ku; tutang ia-iai ijo lombut, ahkan Ahku ngombolumoh aang Ondou Kiamat.

YOHANES 8:28

Kotului orih Yesus nuhtui umba iro, ‘‘Noin amat ihkam jari mopoisung Anak Ulun, ihkam ahkan ta'an ijo, ‘Ahku rih Io ijo tonohawot AHKU ANAI,’ tutang ihkam ahkan ta'an ijo eam anai ihco ka ijo Ahku nguai tahkan arop-Ku bongok. Ahku tihkas nuhtui inon ijo tomajar Amai ahkak-Ku.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

1 TIMOTEUS 2:6

Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

IBRANI 2:9

Tahpi ihto jari nohto Yesus bokowasa! Io tonguan honjiot, labih pinda tahkan molehkat, ahkan ohkot ijo iwak, mangat ngosan kopios ahtoi Pohotala, Io dahpot mahtoi ahkan paring ukup kolunon. Ihto nohto Io uhuntuh, tononga ponuot ijo isung tutang torohoromat, kotului Io jari ngarot nyiring mahtoi.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.