YOHANES 12:26 - BOWOT BOHUA

²⁶ Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 12:26 ပူးပေါင်းရင်းမြစ်များ

MATEUS 16:24

Pongohuli Yesus nuhtui umba murid-murid-Oh, “Ulun ijo kani nutut Ahku, harus nolingou kogunan aropoh bongoi, ngohtun sopolahkioh, tutang turus nutut Ahku.

MATEUS 25:21

‘Hinut,’ hion tuan rih, ‘ihko tuh pohalu ijo pios tutang sotia tului ihko duon konoharap umba ijo isut, ahku ahkan morocaya ihko ijo aro ahkan'mu. Nyolongrih tutang umbarih jorih-jorih homboh ahku!’

MARKUS 8:34

Pongohino Yesus na'ah ulun aro ijo anai ang anan hombo-homboh umba murid-murid-Oh. Turus Io nuhtui umba iro, ‘‘Ulun ijo kani ngohasu Ahku, harus nolingou kogunanoh bongoi, pongohuli ngohtun sopolahkioh, tutang turus ngohasu Ahku.

LUKAS 12:37

Eaminonrih koutungoh pohalu orih ijo sombang rahat ngindoi ang ohkot tuanoh lombut. Porocayarih: tuan orih ahkan botahta-tahtap tutang nyuhu pohalu-pohaluoh rih tuot, turus io nahalu iro.

LUKAS 6:46

‘‘Ombai ihkam na'ah Ahku, ‘Tuhan, Tuhan,’ tahpi eam molalus inon ijo Ahku nuhtui ahkan'kam?

LUKAS 9:23

Pongohino Yesus nuhtui umba paring ulun ijo anai ang anan, ‘‘Ulun ijo kani nutut Ahku, harus nolingou kogunanahkaioh bongoi, ngohtun sopolahkioh nyinong ondou, tutang turus nutut Ahku.

YOHANES 10:27

Tobiri-tobiri-Ku ngonih auh-Ku. Ahku ngosono iro, tutang iro ngohasu Ahku.

YOHANES 13:16

Tu'u-tu'u morong hiok-Ku tuh: Ihcobehti jihpon eam labih hajo umba tepuioh, tutang ihcobehti sonuhu eam labih hajo umba ijo nyuhuoh.

YOHANES 14:15

‘‘Amat ihkam ngasihoh Ahku, ihkam ahkan molalusoh poretah-poretah-Ku.

YOHANES 14:3

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

YOHANES 15:20

Ingatlah inon ijo jari Ahku nuhtui ahkan'kam, ‘Jihpon eam labih hajo tahkan tepuioh.’ Amat iro jari ngarana Ahku, iro ahkan ngarana ihkam ka'a. Amat iro numbun auhajar-Ku iro ahkan numbun ajaran ihkam ka'a.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 21:22

Yesus mutah, ‘‘Jahkai Ahku kani io mohcon bolum johcok Ahku lombut, orih eam urusan'kam. Tahpi ihko ngahasu Ahku!’’

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 14:18

Ulun ijo mohalu Kristus cara kolourih, ulun rih ngojorih ahtoi Pohotala tutang tomorega bain ulun-ulun bohkon.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

PILIPI 1:23

Ahku tonyomba'an tahkan duo pihak. Ahku jolik sino nohtah kolunon tuh, mangat tulak mohcon umba Kristus, kotului orihrih ijo paling pios.

KOLOSE 3:24

Ingatrih ijo ihkam ahkan norima upah tahkan Tuhan. Inon ijo tonahtap Tuhan ahkan ukup Aiu, orihrih ijo ahkan tononga ahkan'kam. Kotului tepun, ijo kotu'uioh rahat tohalu bain ihkam, anairih Kristus bongoi.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

1 YOHANES 5:3

Tului mongasih Pohotala rimai te'et ahkan poretah-poretah-Oh. Tutang poretah-poretah-Oh eamrih bahat ahkan ihto,

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.