YOHANES 12:25 - BOWOT BOHUA

²⁵ Ulun ijo mongasih pombolumoh ahkan nihou pombolumoh. Tahpi ulun ijo mohonouoh pombolumoh luwang kolunon tuh, ahkan mohagaoh bagi pombolum sojahti tutang kototahiu.

YOHANES 12:25 ပူးပေါင်းရင်းမြစ်များ

MATEUS 10:39

Ulun ijo podehen pombolumoh, ahkan nihou pombolumoh tahpi ulun ijo nihou pombolumoh, kotului tehen umba Ahku ahkan dahpot pombolumoh.”

MATEUS 16:25

Tului ulun ijo kani nahan pombolumoh, io ahkan nihou pombolumoh. Tahpi ulun ijo nyorah pombolumoh ahkak-Ku, ahkan ngondahpotoh.

MATEUS 19:29

Tutang nyinong ulun ijo jari nohtah lohpou, ata'ai konduangoh bahkas ata'ai bawi, ata'ai inai amai, ata'ai anak-anak, ata'ai umoi tului Ahku, ulun rih ahkan norima hoduli sorahtus lihpet. Tutang io ahkan norima ka'a pombolum sojahti tutang kototahiu.

MARKUS 8:35

Tului ulun ijo kani ngondehen pombolumoh, ahkan nihou pombolumoh. Tahpi ulun ijo nyarah pombolumoh ahkak-Ku tutang ahkan Kabar Hinut tahkan Pohotala, ahkan monyolamat pombolumoh.

LUKAS 14:26

‘‘Amat ulun lombut nokuh Ahku, tahpi io labih masi inaioh ata'ai amaioh, oruhoh, anakoh, konduang-konduangoh, malah aropoh bongoi, io eam dahpot monjadi murid-Ku.

LUKAS 17:33

Ulun ijo bousaha nyolamat pombolumoh, ahkan nihou pombolumoh. Tahpi ulun ijo nihou pombolumoh ahkan monyolamat orih.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

IBRANI 11:35

Kotului porocaya, mahka ulun-ulun bawi ngonduan hoduli ulun-ulun ijo jari mahtoi. Anai hino ijo rela tonosiksa nyiring mahtoi, tutang nulak ahkan tonoliwus, kotului kani tonombolum hoduli bagi ihco pombolum ijo labih pios.

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.