YOHANES 12:20 - BOWOT BOHUA

²⁰ Ang louk ulun-ulun aro ijo tulak nokuh Yerusalem, nohuang sombayang ang ohkot pesta orih anai ka'a popira behti Yunani.

YOHANES 12:20 ပူးပေါင်းရင်းမြစ်များ

MARKUS 7:26

sambil nyawot mangat Yesus muhko roh ja'at tahkan anakoh rih. Ulunbawi rih bohkon ulun Yahudi, konanak ang tana Penisia ang Siria.

YOHANES 12:1

Onom ondou hounumba Ondou Pesta Paska, Yesus tulak nokuh Betania. Ang unuk rih mohcon Lasarus ijo jari konombolum bain Yesus tahkan popahtoi.

YOHANES 12:19

Mahka ulun-ulun Parisi hopander ihco sama bohkon, ‘‘Ihto eam duon nguan ino-inon! Topahjah iou, paring kolunon tulak ngahasu Io!’’

YOHANES 7:35

Turus dolang pongowasa Yahudi hoponuhtui sama aropoh, ‘‘Ulun tuh tulak nokuh amoh, nyiring ihto eam dahpot nyombang Io? Inonrih Io kani tulak ahkan ulun-ulun Yahudi ijo mohcon ang tana bohkon louk uhtus yonani, tutang majar ulun Yunani?

KESAH RASUL-RASUL 14:1

Paulus tutang Barnabas nginyam hal ijo sama ang Ikonium. Iro tulak nyolong lohpou sombayang ulun Yahudi tutang pander ang anan, kolouorih kolou nyiring aro ulun Yahudi tutang ulun bohkon Yahudi monjadi porocaya umba Yesus.

KESAH RASUL-RASUL 16:1

Paulus noturus ponjalanoh nokuh Derbe, ulihino nokuh Listra. Ang anan anai ihcobehti murid Yesus bogare Timoteus, inaioh ihcobehti ulun Yahudi, ijo porocaya umba Yesus; tahpi amaioh ulun Yunani.

KESAH RASUL-RASUL 17:4

Pira-pira ulun monjadi porocaya turus homboh Paulus doro Silas; kodorih ka'a jumbalah hajo ulun-ulun Yunani ijo mihkoh umba Pohotala, tutang aro hino bawi-bawi bosewut.

KESAH RASUL-RASUL 20:21

Pios umba ulun-ulun Yahudi oluka umba ulun-ulun uhtus bohkon, ahku toturus nonga pongingat mangat iro hubah tahkan dusa-dusan iro, tutang lombut nokuh Pohotala, hawui porocaya ahkan Tuhan Yesus.

KESAH RASUL-RASUL 21:28

hawui ngoriak-ngoriak, ‘‘Oi ulun-ulun Israel dohop! Tuhrih uluioh ijo tulak ko umo-umoh mongajar ahkan paring ulun ajaran-ajaran ijo molawan uhtus Israel, molawan hukum Museh, tutang molawan Lohpou Tuhan tuh. Tutang huntuh io malah ngomin ulun-ulun bohkon Yahudi nyolung nokuh luwang Lohpou Tuhan tutang napa pali unuk ijo borasih tuh!’’ (

KESAH RASUL-RASUL 8:27

Mahka Pilipus rih hihkas. Aang ohkot rih anai ihcobehti pogawai istana Etiopia ijo rahat a'ang ponyalai buli nokuh lowuioh. Ulun rih 'cobehti pogawai isung ijo mongowasa botanggung-jawab ngosan paring ponahtou Kandake, rahtu lowu Etiopia. Ulun rih jari tulak nokuh Yerusalem mangat sombayang ahkan Pohotala, tutang huntuh, rahat io buli hapa kolehtakuda. Pondehan tuot ang kolehtaoh rih, io mbasa surat Nabi Yesaya.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 10:12

Orih nyolung toharep paring ulun, kotului eam aro bedaoh holat ulun Yahudi umba ulun-ulun uhtus bohkon. Pohotala ijo ihco orih anairih Tuhan ahkan paring ulun. Io nonga borehkat ijo molowi-lowi ahkan paring ulun ijo nyawot dohop umba Io.

GALATIA 2:3

Titus ijo homboh umba ahku io anairih ihcobehti Yunani, tahpi io eam tonopaksa umba poroturan sunat.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!