YOHANES 11:47 - BOWOT BOHUA

⁴⁷ Tului orih ulun-ulun Parisi tutang imam-imam kopala nguan rahpat umba Majelis Bosara Agama. Iro nuhtui, ‘‘Ihto harus nguan inon? Ulun tuh nguan aro tandahelan!

YOHANES 11:47 ပူးပေါင်းရင်းမြစ်များ

MATEUS 26:3

Ang ohkot orih rih imam-imam kopala tutang okon-okon Yahudi mohaum ang istana Imam Hajo, Kayapas.

MATEUS 5:22

Tahpi huntuh, Ahku nuhtui ahkan'kam, ia-iai bosingi umba ulun bohkon, ahkan tomosara; tutang ia-iai hololea ulun bohkon ahkan tomosara ang toharep Majelis Agama. Tutang ia-iai ngohawot umba ulun bohkon, ‘Uong’, harus tonyahkah nokuh ahpui norahka.

MARKUS 14:1

Duo ondou hino Ondou Paska tutang Pesta Luhte Eam Boragi. Imam-imam kopala tutang guru-guru agama rahat ngurah jalan ahkan nawan Yesus cara toni-tonih, tutang ahkan munu Io.

LUKAS 22:2

Imam-imam kopala tutang guru-guru agama uhun ngurahjalan ahkan munu Yesus cara toni-tonih, tului iro mihkoh umba ulun aro.

YOHANES 11:57

Iro ngohawot kolouorih, bain imam-imam kopala tutang ulun-ulun Parisi ius polua poretah ijo ulun ijo ta'an ang umoh Yesus anai, harus nyorihtaoh, mangat Io dahpot tonawan.

YOHANES 12:19

Mahka ulun-ulun Parisi hopander ihco sama bohkon, ‘‘Ihto eam duon nguan ino-inon! Topahjah iou, paring kolunon tulak ngahasu Io!’’

YOHANES 2:11

Orih rih tandahelan topahtukoh ijo tonapaoh Yesus. Io nguanoh orih ang Kana ang Galilea. Honong tanda orih Io ngorinahrih kohajoi-Oh. Mahka murid-murid-Oh porocaya umba Io.

YOHANES 6:2

Kojohcokoh ang anan, aro ulun ngahasu Io tului iro jari nohto tandahelan ijo konuai-Oh honong ngopiosoh ulun-ulun poros.

YOHANES 7:32

Ulun-ulun Parisi ngonih koloukuwoh ulun aro rih hokosino-sinok tohou Yesus. Tului orih, homboh umba imam-imam kopala iro nyuhu tongai pongawal Lohpou Tuhan tulak nawan Yesus.

YOHANES 7:45

Kotihka dolang pongawal Lohpou Tuhan ijo sonuhu tulak nawan Yesus lombut hoduli, imam-imam kopala, tutang ulun-ulun Parisi rih ngisok umba iro, ‘‘Ombai ihkam eam ngomin Io nokuh ohtoi?’’

KESAH RASUL-RASUL 5:21

Mahka rasul-rasul rih ka numbun potoh molehkat rih. Homboh ngokos samasino iro tulak nokuh Lohpou Tuhan tutang nopara majar ang anai. Pondehan orih imam hajo tutang dolang ponokawanoh lombut, turus napa pupung bosara umba dolang okon Yahudi. Pongohino iro nyuhu ulun tulak ngomin rasul-rasul rih, tahkan sipir ahkan tongitot toharep iro.

KESAH RASUL-RASUL 5:24

Kotihka komandan ponokawan Lohpou Tuhan tutang imam-imam kopala ngonih tuhtui rih iro torongong tohou rasul-rasul, tutang mihkoh ahkan inon ijo tou nyolung.