40 Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’
Hion Yesus, “Bain ihkam kurang porocaya. Ingatrih! Amat ihkam anai kaporocaya kohajon luang sawi, ihkam duon nuhtui umba puruk tuh, ‘Hahtunrih nokuh anan!’ musti puruk tuh ahkan hahtun. Eam aro angihco ka ijo eam duon ihkam nguaioh! [
‘‘Inon hion'mu? Amat Amai duon?’’ hion Yesus. ‘‘Koparing orih duon, amat ulun tu'u-tu'u porocaya!’’
Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.
Kotihka Yesus ngonih kabar orih, Io nuhtui, ‘‘Ponyahkit tuh eam ahkan kobainoh popahtoi. Tuhrih nyolung mangat Pohotala konohajooh, tutang mangat kobainoh Anak Pohotala ka'a konohajo.’’
Yesaya nuhtui kodorih tului io jari nohto kohajon Yesus, tutang bopander tohou Io.
Yesus mutah, ‘‘Io bobulen eam kotului dusaioh bongoi ata'ai inai amaioh bodusa, tahpi mangat ulun tou nohto kowasan Pohotala bogawi aang aropoh.
Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.
Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.
Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.