YOHANES 11:27 - BOWOT BOHUA

²⁷ ‘‘Tuhan,’’ hion Marta, ‘‘ahku porocaya Tuhan Anak Pohotala, Lahca Ponyolamat ijo ahkan lombut nokuh kolunon tuh.’’

YOHANES 11:27 ပူးပေါင်းရင်းမြစ်များ

MATEUS 11:3

“Amairih ulun ijo ahkan lombut numbun bowot Pohotala, ata'ai harusrih ihkai ngindoi ulun bohkon?”

MATEUS 16:16

Simon Petrus mutah, “Amai anai Lahca Ponyolamat, Anak Pohotala Ijo Bolum.”

MATEUS 16:20

Uliorih rih Yesus mopingat murid-murid-Oh, mangat iro eam nyiaroh ahkan iai ka ijo Iorih Lahca Ponyolamat.

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

YOHANES 1:49

‘‘Amai Guru,’’ hion Natanael, ‘‘Amai anairih Anak Pohotala! Amai rih Lahca uhtus Israel!’’

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

YOHANES 6:14

Kotihka ulun aro nohto gawi aneh rih ijo konuan bain Yesus, iro nuhtui, ‘‘Tu'u-tu'u, tuhrih Nabi ijo tonoharap lombut nokuh kolunon!’’

YOHANES 6:69

Ihkai jari porocaya tutang yahkin ijo Tuhanrih soruhan borasih tahkan Pohotala.’’

KESAH RASUL-RASUL 8:36

Ang beteng jalan iro johcok ihco unuk ijo tohko danumoh. Pogawai isung rih nuhtui, ‘‘Topahjah orih anai danumoh! Inon hino ijo magun kurang ahkan mopondus ahku?’’ [

KESAH RASUL-RASUL 8:37

Pilipus nuhtui, ‘‘Amat Tuan porocaya umba kotuwi ahtoi, Tuan tou ponopondus.’’ ‘‘Ahku porocaya Yesus Kristus orih Anak Pohotala’’ hion pogawai isung tahkan Etiopia rih.]

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.