YOHANES 10:5 - BOWOT BOHUA

⁵ Iro eam ahkan kani ngohasu ulun bohkon, malah ahkan buhou tahkan ulun rih, tului eam ngosono auhoh.’’

YOHANES 10:5 ပူးပေါင်းရင်းမြစ်များ

MARKUS 4:24

Turus Yesus nuhtui hino, ‘‘Nohtoanirih, inon ijo ihkam ngonihoh tuh! Tihpong ijo hapan ihkam nihpong ulun bohkon, ahkan hapan ka'a bain Pohotala ahkan nihpong ihkam – tutang mahi molowi karoi hino.

LUKAS 8:18

Tului rih nohtoaniohrih pio-pios, inon ijo ihkam ngonih. Tului ulun ijo jari anaingina aang'co, ahkan tononga labih aro hino; tahpi ulun ijo eam anaingina aang'co, honjiot ijo magun anai aang io ahkan konomin ka'a.’’

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 10:4

Ulimba tobiri-tobiri rih ngitot nokuh luar, sokahtik rih nyalan ang boun tutang tobiri-tobiri rih ngohasu io, kobain iro ngosono auhoh.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

1 YOHANES 2:21

Jadi, ahku nyurat tuh ahkan'kam, eamoh tului ihkam eam kosono ajaran ijo morong, tahpi malah bain ihkam jari ngosonooh, tutang ihkam ka'a kota'an ijo eam anai alik a'ang ajaran ijo morong rih.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.