YOHANES 10:3 - BOWOT BOHUA

³ Ponjaga korambang, nguap bauntukang bagi io tutang tobiri-tobiri ngohasu auhoh, aang ohkot io na'ah iro, umba arai nyinong-behti tutang nihting iro soluka.

YOHANES 10:3 ပူးပေါင်းရင်းမြစ်များ

YOHANES 10:14

AHKU TUH SOKAHTIK IJO HINUT. Sama kolou Amai ngosono Ahku tutang Ahku kosono Amai, kolourih ka'a Ahku ngosono tobiri-tobiri-Ku tutang tobiri-tobiri-Ku ngosono Ahku. Ahku nyarah hasong-Ku ahkan'ndo.

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 10:4

Ulimba tobiri-tobiri rih ngitot nokuh luar, sokahtik rih nyalan ang boun tutang tobiri-tobiri rih ngohasu io, kobain iro ngosono auhoh.

YOHANES 10:9

AHKU TUH BAUNTUKANG. Iai ijo nyolong nguha Ahku ahkan solamat; io soluka, nyolong tutang ngondahpot ukuioh.

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

YOHANES 6:45

Ang luwang Buhku Nabi-nabi tonyurat koloutuh: ‘Paring ulun ahkan tongajar bain Pohotala.’ Jadi paring ulun ijo ngonih Amai tutang bolajar tahkan Io, lombut nokuh Ahku.

RUMA 8:30

Kodorihrih Pohotala na'ah iro ijo jari tonahtap-Oh labih soun; tutang iro ijo tona'ah-Oh rih, nongajalan-Oh hokopios hoduli umba Pohotala. Tutang iro ijo nongajalan Io hokopios hoduli umba Pohotala ngomin bagian a'ang pombolum ain Pohotala bongoi.

1 KORINTUS 16:9

Aro kosapetoh ang ohtoi ahkan karon-gawi ijo boguna, olu ka aro ka'a ulun ijo molawan.

PILIPI 4:3

Ahkan jolahak'ku ijo tehen, ahku nyawot ka'a mangat Konduang dohop koduo ulunbawi rih. Iro jari nguan gawiu paham umba ahku ahkan mborihta Kabar Hinut tahkan Pohotala, sama kolou Klemen tutang paring iro bohkon ijo bogawi hombo-homboh ahku. Aran-aran iro anai tonyurat luwang Buhku Ulun Bolum.

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

3 YOHANES 1:14

Ahku moharap eam tahi hino ahkan hosombang umba ihkam tutang ihto ahkan bopander hotoharep.

PONGORINAH 20:15

Ulun-ulun ijo eam tosurat araioh ang luwang Surat Ulun Bolum, io ndian nokuh luwang tasik baho rih.

PONGORINAH 3:20

Nohto! Ahku tombok ang baun bauntukang tutang negah. Amat anai ulun ijo ngonih auh-Ku, tutang nguap bauntukang, Ahku ahkan nyolong nyombang io; Ahku ahkan kuman hombo-homboh io, tutang io kuman sama-sama Ahku.

PONGORINAH 7:17

kotului Anak Tobiri ijo tuot ang tohun-tohun pododusan rih nyolung sokahtik iro. Io ahkan ngitut iro nokuh tohasak danum ijo nonga pombolum. Tutang Pohotala ahkan ngapit karo danum mahto tahkan mahton iro.’’