YOHANES 10:14 - BOWOT BOHUA

^14-15 AHKU TUH SOKAHTIK IJO HINUT. Sama kolou Amai ngosono Ahku tutang Ahku kosono Amai, kolourih ka'a Ahku ngosono tobiri-tobiri-Ku tutang tobiri-tobiri-Ku ngosono Ahku. Ahku nyarah hasong-Ku ahkan'ndo.

YOHANES 10:14 ပူးပေါင်းရင်းမြစ်များ

YOHANES 10:11

AHKU TUH SOKAHTIK IJO HINUT. Sokahtik ijo hinut nonga hasongoh bagi tobiri-tobirioh.

YOHANES 10:13

Ulun konuhpah rih buhou, tului io bogawi ahkan uhpah, eam mopoduli tobiri-tobiri orih.

YOHANES 10:27

Tobiri-tobiri-Ku ngonih auh-Ku. Ahku ngosono iro, tutang iro ngohasu Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 3:19

ijo umba akal kolunon eam duon tongumang sotimbon-timbon-Oh. Keleh ihkam kosono sitan Kristus rih, nyiring ihkam tuwi umba pombolum Pohotala ijo soporuna.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

2 TIMOTEUS 1:12

Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:19

Ahku ta'an paring ijo ihkam nguaioh – Ahku ta'an ihkam ngasi sosama'mu, ihkam dehen, ihkam bogawi, tutang ihkam tahan ngarot. Ahku ta'an ihkam huntuh bogawi labih aro tahkan houn.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 3:1

‘‘Ahkan molehkat ukup ang Sardis, nyurat koloutuh: Tuhrih pohtoh tahkan Io ijo tepun kopihtu roh tahkan Pohotala tutang kopihtu potion rih. Ahku kota'an inon ijo ihkam nguaioh. Hioioh ihkam bolum, padahal ihkam mahtoi!

PONGORINAH 3:15

Ahku kota'an inon ijo ihkam nguai; Ahku kota'an ihkam eam sorongin eam ka'a podih. Koharusoh ihkam anai ihcooh!

PONGORINAH 3:8

Ahku kota'an inon ijo ihkam nguai. Ahku kota'an ijo ihkam eam popira koba'as; ihkam, jari numbun ajar-Ku, tutang tehen umba Ahku. Bagin ihkam jari Ahku nguap ihco bauntukang, ijo eam dahpot tongahtop bain iai ka ka'a.