YOHANES 10:10 - BOWOT BOHUA

¹⁰ Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

YOHANES 10:10 ပူးပေါင်းရင်းမြစ်များ

MATEUS 18:10

“Awas! Ara ngonja'at ihcobehti tahkan ulun-ulun ijo koik tuh. Tului ingat rih molehkat-molehkat'ndo toturus anai ang baun Amai-Ku ang soruga. [

MATEUS 18:11

Tului Anak Ulun lombut ahkan monyolamat ulun ijo lacat!]

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 21:13

Turus Io nuhtui umba ulun-ulun rih, “Ang luwang Surat Borasih tonyurat, ijo Pohotala nuhtui, ‘Lohpou-Ku ahkan konohawot lohpou unuk bodo'a,’ tahpi ihkam monjadioh kosalah ponyilou!”

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MARKUS 11:17

Pongohuli Yesus majar ulun-ulun ang anan. Io nuhtui, ‘‘Ang luwang Surat Borasih tonyurat koloutuh: Pohotala nuhtui, ‘Lohpou-Ku ahkan konohawot lohpou unuk bodo'a ahkan paring uhtus ulun.’ Tahpi ihkam ngonjoriaioh kosalah ponyilou!’’

LUKAS 19:10

Anak Ulun lombut ahkan ngurah tutang monyolamat ulun ijo lacat.’’

YOHANES 10:1

‘‘Tu'u-tu'u morong tuhtui-Ku tuh: Ulun ijo kani nyolong nokuh luwang korambang tobiri nuhkat nguha pahkot, tutang eam nguha bauntukang, tahpi nuhkat nyuru jalan bohkon, io rih ponahkou tutang ponyilou.

YOHANES 10:11

AHKU TUH SOKAHTIK IJO HINUT. Sokahtik ijo hinut nonga hasongoh bagi tobiri-tobirioh.

YOHANES 12:47

Ulun ijo ngonih ajaran-Ku, tahpi eam numbui-Oh – bohkon Ahku ijo mohukum io. Kotului Ahku lombut, eam ahkan mosara kolunon tuh, tahpi ahkan nyolamatoh.

YOHANES 12:6

Yudas nuhtui kodorih eam kotului io nohtoani ulun porosbolum, tahpi kotului io ponahkou. Io bojoin ngomin duit tahkan kas ulun aro ijo konipos ang io.

YOHANES 3:17

Tului Pohotala ngirim Anak-Oh eam ahkan momosaraoh kolunon tuh, tahpi ahkan monyolamatoh.

YOHANES 5:40

Tahpi ihkam eam kani lombut nokuh Ahku bagi dahpot pombolum kototahiu.

YOHANES 6:33

Tului luhte ijo tononga Pohotala anai rih, Io ijo mosuluh tahkan soruga tutang nonga pombolum ahkan ulun ang kolunon.’’

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

RUMA 2:21

Konduang majar ulun bohkon; Ho, ombai Konduang eam majar arop'mu bongom? Konduang majar ulun mangat a'ai nahkou, podahar Konduang bongon, nahkou!

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

IBRANI 6:17

Pohotala kani nuhkasrih ahkan ulun-ulun ijo norima bowot-Oh, ijo Io eam ahkan ngubah rancana-Oh. Orihrih kotuluioh Io ndahang tulut aang bowot-Oh rih.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.