YOHANES 1:34 - BOWOT BOHUA

³⁴ Ahku jari nohto-Oh bongok,’’ hion Yohanes, ‘‘tutang ahku nonga kosaksian ijo Io rih Anak Pohotala.’’

YOHANES 1:34 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 16:16

Simon Petrus mutah, “Amai anai Lahca Ponyolamat, Anak Pohotala Ijo Bolum.”

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

MATEUS 27:40

Iro nuhtui, “Ihko ijo kani ngahkas Lohpou Pohotala, tutang mangunoh hino ang tolu ondou! Amat Ihko Anak Pohotala, mosuluh rih tahkan sopolahki rih, tutang nyolamat arop'mu!”

MATEUS 27:43

Io porocaya umba Pohotala tutang nuhtui ijo Io Anak Pohotala. Orih, olai ihto nohto-Oh inon rih Pohotala kani monyolamat Io uhuntuh.”

MATEUS 27:54

Kopala pasukan hombo-homboh umba karon-sorodadu ijo rahat monjaga Yesus uras mihkoh samasino ohkot nohto tana moruguh tutang paring ang nyolung rih. Iro nuhtui, “Tu'u-tu'u Io tuh Anak Pohotala!”

MATEUS 3:17

Uliorih konahan auh Pohotala nuhtui, “Jituh Anak-Ku ijo Ahku ngasih-Oh. Io ngojorih ahtoi-Ku.”

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

MATEUS 4:6

Turus sehtan nuhtui umba Io, “Ihko Anak Pohotala, kowa? Amat kodorih nomarang nokuh pinda; tului ang luwang Surat Borasih anai tonyurat koloutuh, ‘Pohotala ahkan nyuhu molehkat-molehkat-Oh ngolindung Ihko, iro ahkan noharang Ihko umba longon'ndo, mangat pa'am ka eam totungging ang bahtu.’ ”

MATEUS 8:29

Iro soluka tahkan luwang kolowong tanom tutang ngoriak, “Anak Pohotala, ahkan Ihko nguan inon umba ihkai? Inonkah Ihko nohuang ngoporos ihkai olu ka jaham johcok ohkotoh?”

MARKUS 1:1

Tuhrih Kabar Hinut tohou Yesus Kristus, Anak Pohotala.

MARKUS 1:11

Pongohuli konahan auh Pohotala nuhtui, ‘‘Ihkorih Anak-Ku ijo Ahku ngasih-Oh. Ihko ngojorih ahtoi-Ku.’’

LUKAS 1:35

Molehkat rih mutah auh, ‘‘Roh Pohotala ahkan lombut ahkan'mu, tutang kowasan Pohotala ahkan monyokuwung ihko. Orihrih kotuluioh anak ijo ahkan konanak'mu rih, ahkan konohawot Borasih, Anak Pohotala.

LUKAS 3:22

tutang Roh Pohotala mosuluh nokuh ngosan-Oh kolou bulung dala. Turus konahan auh Pohotala nuhtui, ‘‘Ihkorih Anak-Ku ijo Ahku ngasihoh. Ihko ijo ngojorih ahtoi-Ku.’’

YOHANES 1:18

Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 1:49

‘‘Amai Guru,’’ hion Natanael, ‘‘Amai anairih Anak Pohotala! Amai rih Lahca uhtus Israel!’’

YOHANES 10:30

Ahku tutang Amai anairih ihco.’’

YOHANES 10:36

ombai ihkam nuhtui Ahku ngarana Pohotala, tului auh-Ku Anak Pohotala? Molekan Ahku tongopili bain Amai, tutang sonuhu nokuh kolunon.

YOHANES 11:27

‘‘Tuhan,’’ hion Marta, ‘‘ahku porocaya Tuhan Anak Pohotala, Lahca Ponyolamat ijo ahkan lombut nokuh kolunon tuh.’’

YOHANES 19:7

Ulun-ulun Yahudi rih mutah, ‘‘Numbun Tourat 'kai, Io harus tonohukum mahtoi, tului Io ngahku arop-Oh Anak Pohotala.’’

YOHANES 20:28

Tomas nuhtui umba Yesus, ‘‘Tuhan'ku tutang Pohotala'ku!’’

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 6:69

Ihkai jari porocaya tutang yahkin ijo Tuhanrih soruhan borasih tahkan Pohotala.’’

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

2 KORINTUS 1:19

Kotului Yesus Kristus, Anak Pohotala, ijo tomborihta ahkan'kam bain Silas, Timoteus tutang bain ahku bongok, bohkon ulun ‘‘Yo’’ tutang ‘‘Eam’’. Sobalikoh Io monjadi puhtah ‘‘Yo’’, tahkan Pohotala.

IBRANI 7:3

Tohou Melkisedek tuh eam anai kotorangan ang umoh ka, ijo io anai amai ata'ai inai ata'ai tahtu ajuh; eam anai ka'a kotorangan tohou konanakoh ata'aika popahtoioh. Io sama kolou Anak Pohotala; io rih anairih imam ijo kototahiu.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

1 YOHANES 4:9

Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

2 YOHANES 1:9

Ulun ijo eam nambit aang ajaran Kristus, molekan nyapang tahkan inon ijo tonongajaroh bain Kristus, ulun orih eam anaingina Pohotala. Ulun ijo tahtap ang luwang ajaran Kristus, rimai, anaingina, kohinut Pohotala, Amai, oluka Anak.

PONGORINAH 2:18

‘‘Ahkan molehkat ukup ang Tiatira, nyurat koloutuh: Tuhrih pohtoh tahkan Anak Pohotala, ijo mahtai-Oh ngonjelak-jelak kolou baho, tutang pa'ai-Oh mokilat kolou tombaga tonanak.