YOHANES 1:33 - BOWOT BOHUA

³³ Ohkot rih ahku jaha ta'an iai Io. Tahpi Pohotala ijo nyuhu ahku mopondus umba danum, jari nuhtui umba ahku, ‘Amat ihko nohto Roh Pohotala mosuluh, turus mohcon ang ngosan ihcobehti Iorih ahkan mopondus umba Roh Pohotala.’

YOHANES 1:33 ပူးပေါင်းရင်းမြစ်များ

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

LUKAS 3:16

Orih kotuluioh Yohanes pander ahkan iro paring, ‘‘Ahku mopondus ihkam umba danum, tahpi noin ahkan lombut Ulun ijo labih hajo tahkanumba ahku. Nguhkoi talin soruhpah-Oh ka ahku eam gunai, Io ahkan mopondus ihkam umba Roh Pohotala tutang baho.

YOHANES 1:31

Sounumbaoh, ahku eam ta'an iai Io rih. Podahar ahku lombut mopondus umba danum, mangat uhtus Israel ngosono Io.’’

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 3:34

Tului ulun ijo sonuhu Pohotala monyiar auh-auh Pohotala, kotului Roh Pohotala jari tononga ahkai-Oh sotuwioh.

YOHANES 3:5

Yesus mutah, ‘‘Tu'u morong hiok-Ku tuh: amat ulun eam tonganakoh tahkan danum tutang tahkan Roh Pohotala, ulun orih eam duon monjadi anak uhkup Pohotala.

YOHANES 7:39

Yesus ngohawot auh rih tohou Roh Pohotala ijo tonorima bain ulun-ulun ijo porocaya umba Io. Kotului ang ohkot orih Roh Pohotala jaham tononga; tului Yesus jaham konohajo honong popahtoi-Oh.)

KESAH RASUL-RASUL 1:5

Tului Yohanes mopondus umba danum tahpi pira-pira ondou hino ihkam ahkan ponopondus umba Roh Pohotala.’’

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.