YOHANES 1:29 - BOWOT BOHUA

²⁹ Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 1:29 ပူးပေါင်းရင်းမြစ်များ

MATEUS 1:21

Maria ahkan nganak ihcobehti anak bahkas. Anak orih pahtut ihko napa arai Yesus, tului Io ahkan nyolamat ulun-ukup-Oh tahkan dusan'ndo.”

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

YOHANES 1:35

Anghawun ondouoh Yohanes anai ang unuk rih hino homboh duo behti muridoh.

YOHANES 1:36

Kotihka io nohto Yesus nguha, io nuhtui, ‘‘Topahjah! Orihrih Anak Tobirin Pohotala.’’

YOHANES 1:43

Anghawun ondouoh Yesus monuhkasoh ahkan tulak nokuh Galilea. Io hosombang umba Pilipus, tutang nuhtui umba io, ‘‘Olai, ngahasu Ahku!’’

YOHANES 2:1

Duo ondou pongohuli anai pesta kawin ang lowu Kana ang Galilea, tutang inai Yesus anai ang anan.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

KESAH RASUL-RASUL 8:32

Tuh io ayat ijo konomasaoh rih, ‘‘Io kolou tobiri ijo onin ahkan tonyombalih, kolou anak tobiri ijo eam ngoriak amat buluioh tonguting, kodorih ka'a io eam nuhtui ihco kotihkap auh ka.

1 KORINTUS 15:3

Inon ijo ahku mborihtaoh ahkan Konduang-konduang, anairih ijo jari ahku norima ka'a. Ijo boguna, kolou ijo tonyurat a'ang Surat Borasih, ahku nyiaroh ahkan'kam ijo Kristus mahtoi kotului dusa-dusan ihto,

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

1 TIMOTEUS 2:6

Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 2:17

Jituh rimai ijo Io harus monjadi sama umba konduang-konduang-Oh a'ang kokaro hal. Tutang umba orih Io dahpot monjadi Imam Hajo ijo bokehtep tutang pongasiponyayang. Umba pohalu-Oh rih dusan kolunon dahpot tonapun.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 1:19

molekan angihco, ijo paham borega; iorih behtin Kristus bongoi, ijo monjadi kolou tobiri ijo toporahpah ahkan Pohotala, eam aro cahcat ata'ai celaoh.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 14:1

Pongohino ahku nohto, turus gihtan Anak Tobiri rih tombok ang isun Puruk Sion. Homboh Io anai solahtus ohpat pulu ohpat kuhjan behti, ijo aang likou nyino-nyinong tonyurat arai-Oh tutang aran Amai-Oh.

PONGORINAH 14:10

ulun rih ahkan ngorih anggur Pohotala, yorih anggur kosangit-Oh ijo jari tonusuh-Oh koluwang kondarah-Oh, eamanai tongurang honjiot ka! Paring ulun rih ahkan tonosiksa, aang luwang baho tutang sondawa, ang toharep molehkat-molehkat brasih tutang ang toharep Anak Tobiri rih.

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.

PONGORINAH 15:3

Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh, ‘‘Tuhan, Pohotala Mahakowasa, eaminon kohajoi tutang kohelanoh gawin-gawin-Mu! Lahca kokaron uhtus, eaminonrih adil tutang morong tindakan-tindakan-Mu!

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 19:7

Olairih ihto jori-jorih tutang sanang; olairih ihto momuji kohajoi-Oh! Kotului jari johcok ondou pongawin ijo nambit galar Anak Tobiri rih, tutang pongahten-Oh jari tahtap molalus pongawin-Oh.

PONGORINAH 19:9

Turus molehkat rih nuhtui ahkak'ku, ‘‘Nyurat tuh: ‘Kosanang rih ulun ijo tonorawe nokuh pesta pongawin Anak Tobiri rih.’ ’’ Pongohuli molehkat rih monambah hino, ‘‘Tuhrih kabar hinut tahkan Pohotala.’’

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.

PONGORINAH 21:27

Tahpi ulun ijo nguan hal-hal ijo kojilo-jilok, ata'ai ulun ijo pobula – pandakoh inon ka ijo pali, samasino eam ahkan nyolong nokuh luwangoh. Ijo ahkan nyolong tihkas ulun ijo araioh tonyurat luwang Surat Ulun Bolum, buhku Anak Tobiri rih.

PONGORINAH 21:9

Ihco tahkan louk kopihtu molehkat, ijo jari nambit kondarah-kondarah ijo tuwi, umba kopihtu kosusah ijo laiu rih, lombut ahkak'ku tutang nuhtui, ‘‘Olai! Ahku ahkan ngorinah ahkan'mu Pongahten, yorih oruh Anak Tobiri.’’

PONGORINAH 5:6

Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon.

PONGORINAH 5:8

Pondehan Anak Tobiri rih nguan kolourih, sembah-sukuh koohpat angbolum tutang koduo pulu ohpat ohkon rih ang husukoh. Iro nyino-nyinong nambit kocahpi tutang pihkan bulou ijo bosuang manyan, yorih do'a-do'a ukup Pohotala.

PONGORINAH 6:1

Uliorih rih ahku nohto Anak Tobiri rih musit segel, ijo pahtukoh ang louk kopihtu segel rih. Turus ahku ngonih ihco ang louk koohpat angbolum rih nuhtui, ‘‘'Kan otoi!’’ Auh tuhtuioh rih kolou auh duhung.

PONGORINAH 6:16

Ahkan puruk-puruk tutang bahtu-bahtu rih iro bokohciak, ‘‘Nopahas ihkai! Posuhuk ihkai tahkan topahjah Tuhan ijo tuot ang ngosan pododusan tutang tahkan kosingi Anak Tobiri rih!

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.

PONGORINAH 7:17

kotului Anak Tobiri ijo tuot ang tohun-tohun pododusan rih nyolung sokahtik iro. Io ahkan ngitut iro nokuh tohasak danum ijo nonga pombolum. Tutang Pohotala ahkan ngapit karo danum mahto tahkan mahton iro.’’