YOHANES 1:18 - BOWOT BOHUA

¹⁸ Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 1:18 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 12:41

Yesaya nuhtui kodorih tului io jari nohto kohajon Yesus, tutang bopander tohou Io.

YOHANES 13:23

Murid ijo tongasih Yesus, tuot ang silan Yesus.

YOHANES 14:9

Tahpi Yesus mutah, ‘‘Jari kolourih kotahiu Ahku hihco umba ihkam, tutang jaha ka'a ihkam ngosono Ahku, Pilipus? Ulun ijo jari nohto Ahku, jari ka'a nohto Amai. Koloukuwoh ihko dahpot nuhtui, ‘Pokarahohrih Amai ahkan 'kai’?

YOHANES 17:26

Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 17:6

Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

YOHANES 3:11

Porocayarih: ihkai nuhtui tihkas tohou inon ijo ihkai kota'an, tutang ihkai nonga kosaksian tihkas tohou inon ijo jari ihkai nohtooh; tahpi ihkam eam kani monorima kosaksian ihkai.

YOHANES 6:46

Orih eam borimai ijo anai ulun ijo jari nohto Amai. Tihkas Io ijo lombut tahkan Pohotala, jari nohto Amai.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

KOLOSE 1:15

Kristus anairih gambar ijo korinah gihtan tahkan behtin Pohotala ijo eam gihtan; Kristus anairih anak ijo poohkooh, labih mombahtang tahkan kokaro ijo tona'oioh.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

1 TIMOTEUS 6:16

Iorih iou ijo eam tou tonokowasa bain popahtoi; Io bolum ang koloang ijo eam dahpot tongondoni bain iaika ka'a. Eam aro ihcobehti ulunka ijo pu'u nohto-Oh, ata'ai dahpot nohto-Oh. Ahkai-Oh horomat tutang kowasa ahkan turus-jahamoh! Amen.

1 YOHANES 4:12

Eam anai ihcobehti ka ijo pu'u nohto Pohotala, tahpi amat ihto saling hosita, tanda Pohotala hihco umba ihto, tutang asi-Oh monjadi soporuna luwang arop ihto.

1 YOHANES 4:20

Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.

1 YOHANES 4:9

Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.