YOHANES 1:17 - BOWOT BOHUA

¹⁷ Hukum Tuhan ihto torima nguha Museh. Tahpi kasih tutang kotehen Pohotala tongorinah nguha Yesus Kristus.

YOHANES 1:17 ပူးပေါင်းရင်းမြစ်များ

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

YOHANES 5:45

Ara ngohu Ahku ahkan nosalan ihkam ang tohimo Amai. Mahka ijo ahkan monosalan ihkam anai rih Museh, io ijo ihkam harapoh.

YOHANES 7:19

Eamrih Museh jari nonga poretah-poretah Pohotala ahkan'kam? Tahpi ang louk ihkam eam aro ijo numbun poretah-poretah rih. Ombai ihkam kani munu Ahku?’’

YOHANES 8:32

mahka ihkam ahkan ngosono Pohotala ijo morong, tutang bain kotului orih ihkam ahkan tomorodehka.’’

YOHANES 9:29

Ihkai ta'an ijo Pohotala jari nuhtui umba Museh. Tahpi tohou ulun orih ihkai eam ta'an tahkan umoh asar-Oh.’’

KESAH RASUL-RASUL 28:23

Mahka iro tutang Paulus monahtap ihco ondou ahkan hosombang. Aang ondou orih aro ulun lombut nokuh unuk Paulus. Tahkan ngohkos johcok sohit Paulus monyorihta tutang mborihtaoh ahkan'ndo tohou Kabar Hinut koloukuwoh Pohotala momorentah kolou Lahca. Hapan ayat-ayat tahkan Buhku Museh tutang Buhku Nabi-nabi, Paulus ngurah jalan nguan iro porocaya tohou Yesus.

KESAH RASUL-RASUL 7:38

Musehrih ijo ang tohun uhtus Israel ang padang bolambah monjadi poholat ahkan molehkat ijo pander umba io ang Puruk Sinai, umba tahtu ajuh ihto. Iorih ijo norima tahkan Pohotala kabar ijo bolum, ahkan tonosiar ahkan ihto.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

2 KORINTUS 1:20

Tului nguha Io, Pohotala jari nuhtui ‘‘Yo’’ toharep paring bowot-Oh. Hogalang orihrih ihto ngohawot ‘‘Amen’’ ahkan Pohotala kotului Yesus Kristus. Ihkai nguan kodorih mangat Pohotala tonohoromat.

GALATIA 3:17

Ijo kani ahku nyorihtaoh ang ohtoi, iorih tuh; bowot Pohotala jari konuan tutang tonosyah labih houn. Hukum Agama ijo tononga 430 toun pongohino, eam duon mombatal ponosahoh hawui ngudap bowot Pohotala rih.

IBRANI 9:22

Puna numbun hukum agama Yahudi, bilak kokaro angihco tomuhiborasih umba daha; tutang dusa tihkas tou tonahpun, amat anai tusuh daha.