YOHANES 1:14 - BOWOT BOHUA

¹⁴ Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:14 ပူးပေါင်းရင်းမြစ်များ

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

LUKAS 2:7

Io nganak ihcobehti anak bahkas, anakoh ijo pongoko. Anak rih konohuwutoh umba benang laping, turus ponokaling ang luwang julang tongolahpikoh umba kojugu; tului iro earo nyumbang lohpou ijo unuk iro nginap.

LUKAS 9:32

Aang ohkot rih Petrus tutang karon-injahoh tiruh, tahpi songola monyun, nohto Yesus boloang tutang duo behti rih tombok umba Io.

YOHANES 1:1

Aang pahtukoh, sounumba kolunon tonapa, Auh jari anai. Auh anai hihco Pohotala tutang Auh sama umba Pohotala.

YOHANES 11:40

Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 14:9

Tahpi Yesus mutah, ‘‘Jari kolourih kotahiu Ahku hihco umba ihkam, tutang jaha ka'a ihkam ngosono Ahku, Pilipus? Ulun ijo jari nohto Ahku, jari ka'a nohto Amai. Koloukuwoh ihko dahpot nuhtui, ‘Pokarahohrih Amai ahkan 'kai’?

YOHANES 17:22

Ahku jari nongarih iro kohajo ijo Amai nongaoh ahkak-Ku, mangat iro monjadi ihco, sama kolou Ihto ka'a ihco;

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

YOHANES 2:11

Orih rih tandahelan topahtukoh ijo tonapaoh Yesus. Io nguanoh orih ang Kana ang Galilea. Honong tanda orih Io ngorinahrih kohajoi-Oh. Mahka murid-murid-Oh porocaya umba Io.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:18

Ulun ijo porocaya umba-Oh eam tomohukum, tahpi ulun ijo eam porocaya ius tomohukum bain Pohotala, tului io eam porocaya umba Anak Pohotala ijo tukan.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

YOHANES 8:32

mahka ihkam ahkan ngosono Pohotala ijo morong, tutang bain kotului orih ihkam ahkan tomorodehka.’’

KESAH RASUL-RASUL 13:33

orih jari Io nguaioh aang ihto honong ngombolumoh Yesus hoduli tahkan popahtoi. Tului ang luwang Surat Masmur ijo koduo anai tonyurat koloutuh: ‘Ihko tuh Anak-Ku, ang ondou tuh Ahku jari monjadi Amai-Mu.’

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

RUMA 9:5

Iro anairih lihit tahkan tahtu ajuh ihto. Kristus socara kolunon asaroh tahkan uhtus iro rih. Io labih isun tahkan paringoh. Tonotararih ahkan Pohotala nyiring turus-jahamoh. Amen.

1 KORINTUS 15:47

Adam ijo pahtukoh tonapa tahkan tana, tahpi Adam ijo koduo asaroh tahkan soruga.

2 KORINTUS 12:9

Tahpi Tuhan muhtah, ‘‘Ahku ngasih ihko tutang rih jari sukup ahkan'kam; tului kowasak-Ku, justru paling ba'as amat'kam ang koada'an bolomu.’’ Orih kotuluioh ahku labih sanang namam umba kolomu-kolomu'ku, tului amat ahku bolomu, mahka justru, a'ang ohkot orihrih ahku komo Kristus ngolindung ahku umba koba'as-Oh.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

KOLOSE 1:19

Pohotala bongoirih ijo mongohondakoh, mangat kokaro ang'co ijo tonyombang aang arop Pohotala, tonyombang ka'a honong sukup ang arop Anak-Oh.

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

KOLOSE 2:9

Kotului paring porobadi Pohotala mohcon ang Kristus, yorih aang kolunoi-Oh.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 1:5

Eam pu'u Pohotala nuhtui koloutuh, ahkan ihcobehti molehkat ka, ‘‘Ihkorih Anak-Ku; aang ondou tuh Ahku monjadi Amai'mu.’’ Eam pu'u hino Pohotala nuhtui koloutuh, tohou molehkat ijo amohka, ka'a, ‘‘Ahku ahkan monjadi Amaioh tutang Io ahkan monjadi Anak-Ku.’’

IBRANI 10:5

Orihrih kotuluioh ang ohkot Kristus nyolong nokuh kolunon, Io nuhtui umba Pohotala, ‘‘Ihko eam nohuang porahpah tutang ponyorahan; sombalikoh, Ihko jari monyodia behti bagi-Ku.

IBRANI 2:11

Yesus muhioh ulunkolunon tahkan dusa-dusan'ndo; tutang Io ijo muhioh, hawui iro ijo tomuhioh rih, sama-sama anaitepun ihco Amai. Orihrih kotuluioh, Yesus eam mia ngahku iro rih kolou konduang-konduang-Oh.

IBRANI 5:5

Kodorih ka'a Kristus. Io eam potuot arop bongoi monjadi Imam Hajo. Pohotala bongoirih ijo potuot Io. Pohotala nuhtui umba Io, ‘‘Ihko tuh Anak-Ku aang ondou tuh Ahku monjadi Amai-Mu.’’

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.

1 YOHANES 4:9

Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

PONGORINAH 19:13

Kolambipanjang ijo tohapa-Oh jari tocolop a'ang daha. Tutang Io konohawot, ‘‘Auh Pohotala’’.

PONGORINAH 21:3

Turus ahku ngonih auh tahkan pododusan rih na'ah honong muhing, ‘‘Uhuntuh unuk mohcon Pohotala anairih sama-sama umba ulun! Io ahkan bolum umba iro, tutang iro ahkan monjadi ukup Aiu. Pohotala bongoi ahkan anai umba iro ahkan monjadi Pohotalan iro.