YAKOBUS 5:13 - BOWOT BOHUA

¹³ Amat ang louk'kam anai ijo rahat susah, kopiosoh io bodo'a. Amat anai ijo jorih, handakrih io monyanyi monara Pohotala.

YAKOBUS 5:13 ပူးပေါင်းရင်းမြစ်များ

MATEUS 26:30

Pongohuli rih iro monyanyi ihco nyanyi tara. Tutang uliorih rih iro tulak nokuh Puruk Zaitun.

LUKAS 22:44

Yesus karas ngarot cara mboruai, nyiring Io mahi tu'u-tu'u bodo'a. Horas-Oh kolou daha mohceu nokuh tana.]

LUKAS 23:42

Turus io nuhtui umba Yesus, ‘‘Yesus, ingatrih ahku, amat Ihko lombut huli kolou Lahca!’’

1 KORINTUS 14:15

Jadi ahku harus nguan inon? Ituh ijo ahkan ahku nguai: Ahku ahkan bodo'a honong roh'ku, tahpi ahku ahkan bodo'a ka'a umba tiruk'ku. Ahku ahkan monyanyi umba roh'ku, tahpi ahku kani monyanyi ka'a umba tiruk'ku.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

EPESUS 5:19

Hapa tuhtui-tuhtui tahkan Masmur, monyanyi karon-tara tutang lagu rohani a'ang pander-pander'mu. Hondakrih ihkam hawui ahtoi ijo jorih monyanyi karon-tara ahkan Tuhan.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

YAKOBUS 5:10

Konduang-konduang, ingatrih dolang nabi ijo nuhtui ngosan aran Tuhan. Iro sabar tutang tabah ngarot. Jadi, omin iro monjadi sutu.

PONGORINAH 14:3

Ang baun pododusan tutang koohpat angbolum hawui dolang okon, ang kodiling pododusan rih 144.000 behti rih, monyanyi ihco nyanyian ijo bohua. Nyanyi orih eam dahpot tonyokula bain ihcobehti ka, bohkonumba tahkan 144.000 behti rih, ijo jari tomorodehkaoh tahkan tana.

PONGORINAH 7:10

Turus umba auh ijo muhing iro bososurak, ‘‘Kosolamatan ihto, polombutoh tahkan Pohotalan ihto, ijo tuot ang ngosan pododusan; tutang tahkan Anak Tobiri rih!’’